།བླ་མ་དྲི་མ་མེད་དང་མཇལ། །དུས་གསུམ་དགེ་བའི་ལུང་བསྟན་ཐོབ།
(བླ་མ་དྲི་མ་མེད་པའི་ཕོ་བྲང་ག་ལ་བ་དེར་སླེབས་པ་དང་ཚེ་དང་ལྡན་པ་དགུང་ལོ་བཅུ་དྲུག་ཙམ་ལོན་པ༌། ཕྱག་གཡས་ན་རྔ་ཡབ་དངགཡོན་ན་རིལ་བུ་སྤྱི་བླུགས་བསྣམས་པ། ཞི་དུལ་མཚན་བཟང་དང་ལྡན་པ་ཞིག་གིས་མདུན་བསུས་ཏེ་ན་རེ།)
སེམས་དཔའ་གཞོན་ནུ་བྱོན་པ་ལེགས། ཨུ་རྒྱན་ཡུལ་འདི་རང་བཞིན་འཇམ་ཡང་རྣམ་པ་རྩུབ་པས་སྐུ་ངལ་མ་བྱུང་ངམ།
རྒྱལ་བུས། དེའི་རྒྱུ་མཚན་ཅི་ཡིན།
ཁོང་གིས། ཡེ་ཤེས་མཁའ་འགྲོ་མ་རྣམས་ཐུགས་སྙིང་རྗེ་ཆེན་པོའི་རང་བཞིན་གྱིས་སྐུ་དྲག་པོས་འགྲོ་དོན་བྱེད་པས་ཡུལ་འདིའི་ཁྱད་ཆོས་ཀྱང་དེ་འདྲ་རང་ཡོད། ཁྱེད་ཀྱིས་ཉེན་ཁའི་གནས་མང་པོཞིག་བརྒྱུད་འོང་བས་སྐུ་ངལ་དང་ཐུགས་སྐྱོ་བར་མ་གྱུར་རམ།
རྒྱལ་བུས། བདག་གི་ལུས་འདི་གཞན་དོན་ལས་སྤྱོད་ས་མེད། དེ་བས་དེང་སང་འགྲོ་བའི་དོན་དུ་བདེ། ད་དུང་བླ་མའི་དྲུང་དུ་འགྲོ རྒྱལ་བ་འཇིག་རྟེན་སྒྲོན་མ་དེ། འགྲོ་བའི་དོན་དུ་བདེ་བཞུགས་སམ།
ཁོང་གིས། བླ་མས་འགྲོ་བའི་དོན་དུ་ཚོགས་འཁོར་རྒྱ་ཆེན་སྐོར་ཞིང་བདེ་བར་བཞུགས། བླ་མའི་དྲུང་དུ་གཤེགས་པར་མཛོད། ཅེས་ལམ་སྣེ་བསུས་ཏེ་ནང་དུ་ཕེབས་པ་ན། ནང་རིག་པ་འཛིན་པ་ཆེན་པོ་བླ་མ་དྲི་མ་མེད་པ་དེ་ཉིད་ཕྱི་བྱང་ཆུབ་སེམས་དཔའི་དགེ་སློང་གི་ཆ་བྱད་གཟི་བརྗིད་བླ་ན་མེད་པའི་ངང་སྤྲུལ་པའི་དགེ་སློང་བརྒྱ་ཕྲག་ཅིག་གིས་བསྐོར་ནས་བཞུགས་པ་མཇལ། དེར་རྒྱལ་བུས་སོར་བཅུའི་ཐལ་མོ་སྙིང་ཁར་སྦྱོར་ཅིང་ཚིགས་སུ་བཅད་དེ་འདི་སྐད།
།འཇིག་རྟེན་མགོན་པོ་དྲི་མ་མེད། །སྟོན་ཀའི་ཟླ་ལྟར་རབ་ཏུ་གསལ། །འགྲོ་བའི་ཡིད་ཀྱི་མུན་པ་སེལ། །དོན་ལྡན་ཁྱེད་ལ་གུས་ཕྱག་འཚལ། །རིག་པ་འཛིན་པ་གསང་བའི་མཆོག །ལྷ་ཡི་རང་བཞིནདྲི་མ་མེད། །ཧཾའུ་དང་ཕཊ་ཀྱི་སྒྲ་སྒྲོགས་པ། །རྡོ་རྗེ་འཛིན་ལ་གུས་ཕྱག་འཚལ། །མདོ་སྡེ་འཛིན་པ་སྙིང་རྗེའི་གཏེར། འདུལ་བ་འཛིན་པ་དྲི་མ་མེད། །མངོན་པ་འཛིན་པ་ཐམས་ཅད་མཁྱེན། །དཔལ་ལྡན་བླ་མའི་ཞབས་ལ་འདུད། །(ཅེས་བསྟོད་དབྱངས་དང་བཅས་གུས་ཕྱག་རེ་རེ་ཕུལ་ནས་བླ་མའི་དྲུང་གི་ཁྲི་དེར་བཞུགས།)
བླ་མས། །པོ་ཏ་ལ་ནས་བདེ་ལྡན་དུ། །སྤྲུལ་པའི་ཕོ་བྲང་བཞེངས་མཛད་པ། །འགྲོ་བའི་གཉེན་གཅིག་ས་བཅུའི་མགོན། །དཀོན་མཆོག་འབངས་ཞེས་མི་རུ་འཁྲུངས། །ཨུ་རྒྱན་གནས་འདིར་ཐུགས་རྗེ་ཡིས། །གསང་བ་ཡེ་ཤེས་འདྲེན་སླད་དུ། །སྤྲུལ་བའི་རྟ་ལ་བཟོད་པའི་གོ །བརྩོན་འགྲུས་ལྕག་གིས་མྱུར་བྲབས་ནས། །དག་པའི་སྲབཀྱིས་ཁ་ལོ་བསྒྱུར། །དེ་རིང་ང་ཡི་དྲུང་དུ་སླེབས། །ཞེས་གསུང་བཞིན་རབ་ཏུ་དགྱེས་པའི་འཛུམ་གྱིས་བསུས།
རྒྱལ་བུས། མཁའ་འགྲོ་གསང་བ་ཡེ་ཤེས་གང་དུ་བཞུགས། མཐུ་ནུས་ཅིཡོད།
བླ་མས། །ང་ཡི་མ་ཡུམ་རིན་པོ་ཆེ། །ད་ལྟ་གསང་བའི་བྲག་ལ་གནས། །འཕྲལ་དུ་ཐུན་མོང་དངོས་གྲུབ་དང། །མཐར་ཐུག་མཁའ་སྤྱོད་གནས་སུ་འདྲེན།
རྒྱལ་བུས། གསང་བའི་བྲག་དེ་གང་དུ་ཡོད། ཇི་ལྟར་བཞུགས།
བླ་མས། རྡོ་རྗེ་བྲག་གི་བྱང་ལྡེབས་ཀྱི་གསེར་གྱི་རྡོ་རྗེ་བསླངས་འདྲ་ན་འཁོར་མཁའ་འགྲོ་མ་བྱེ་བ་འབུམ་བཅས་རྡོ་རྗེའི་གླུ་གར་ལ་རོལ་ཞིང། རྡོ་རྗེའི་ང་རོས་བདུད་འདུལ་ཞིང། རྡོ་རྗེའི་འགྲོས་ཀྱིས་ས་ཆེན་འདུལ་བཞིན་གནས།
(ཞེས་གསུངས་པ་དང་བླ་མའིཐུགས་ཀ་ནས་འོད་ཟེར་རྡོ་རྗེ་ལྟ་བུ་ཞིག་བྱུང་ནས་རང་ལ་གཡས་བསྐོར་གསུམ་བྱས་ཏེ་དཀོན་མཆོག་འབངས་ཀྱི་ཐུགས་ཀར་ཐིམ)
རྒྱལ་བུས། །འོད་ཟེར་རྡོ་རྗེ་ལྟ་བུ་དེ། ཁྱེད་ལ་ལན་གསུམ་བསྐོར་བ་དེ། ཁོ་བོ་དུས་གསུམ་རྗེས་བཟུང་རྟགས། །གཡས་སུ་འཁོར་བས་དམ་ཆོས་འགྲུབ། སྙིང་ལ་ཐིམ་པས་བྱིནརླབས་ཞུགས། ཁོ་བོ་ཁྱེད་ཀྱི་ཐུགས་སྲས་ལགས། (ཞེསཤིན་ཏུ་དགྱེས་བའི་ཉམས་ཀྱིས་གསུངས་པ་དང། བར་སྣང་ནས་སྒྲ་ཅིག་བྱུང་བ་འདི་སྐད།)
།འཇིག་རྟེན་ལྷ་དང་བཅས་པའི་སྐྱབས། །རྒྱལ་བ་ཡབ་སྲས་གསུང་གླེང་མཛད། །དེང་སང་ཨུ་རྒྱན་ཡུལ་དུ་འཚོགས། །མ་འོངས་གངས་རིའི་ཁྲོད་དུ་འདུ། །སྔོན་ཆད་རྡོ་རྗེའི་གདན་དུ་འཛོམས། །བསྐལ་པ་བྱེ་བ་བསམ་ཡས་སུ། །ཡབ་སྲས་ཙན་དན་དྲི་བཞིན་དུ། །འབྲལ་མེད་འགྲོ་བའི་ཕན་བདེ་འབྱུང།
རྒྱལ་བུས། །གྲག་སྟོང་སྙན་པའི་གླུ་དབྱངས་ལས། །དུས་གསུམ་དགེ་བའི་ལུང་བསྟན་བྱུང། །འགྲོ་དོན་ཇི་ལྟར་སྐྱོང་དགོས་སམ།
བླ་མས། རྒྱ་གར་རྡོ་རྗེ་གདན་གྱི་བྱང་ཕྱོགས་སུ་བོད་ཁ་བ་ཅན་ཞེས་བྱ་བ་ཞིག་ཡོད། དེང་སང་དེར་མི་མ་ཡིན་པ་འདྲེ་སྲིན་དུ་མ་གནས། ཐོག་མར་བདག་གིས་དེར་སྤྲུལ་པ་ཞིག་བཏང་ནས་གདུག་ཅན་དེ་དག་བཏུལ་ནས་བཀྲ་ཤིས་པར་བྱེད། དེ་ནས་ཁྱོད་ཀྱིས་ཀྱང་དེར་སྤྲུལ་པའི་རྒྱལ་པོ་ཞིག་ཐོངས་ལ་སེམས་ཅན་དེ་དག་ལམ་དགེ་བ་ལ་དྲོངས། བོད་ཁམས་འཇིགས་པ་མཐའ་དག་ལས་སྐྱོབ་ཕྱིར་དུ། རྒྱ་ནག་དང་བལ་པོའི་ཡུལ་ནས་སྒྲོལ་མ་ཞི་ཁྲོ་གཉིས་ཀྱི་སྤྲུལ་པ་ཁབ་ཏུ་བསུ་དགོས། ད་དུང་དེ་བཞིན་གཤེགས་པའི་རྟེན་བྱིན་ཆེན་གཉིས་ཀྱང་སྤྱན་འདྲེན་དགོས། དེ་ནས་རིམ་པས་བོད་ཀྱི་འགྲོ་བ་རྣམས་ཆོས་ལ་དད་པར་འགྱུར། དེ་རྗེས་ཁྱེད་ཀྱང་དེར་སྐྱེ་བ་བླངས་ཏེ་སྤྲུལ་པ་ཞིག་རྒྱ་གར་དུ་བཏང་ནས་ང་བོད་ལ་གདན་དྲོངས་དང་དེ་ནས་བོད་མཐའ་འཁོབ་ཏུ་གནས་སྐབས་དང་མཐར་ཐུག་གི་བདེ་སྐྱིད་ལ་ལོངས་སུ་སྤྱད་པར་འགྱུར་རོ།
རྒྱལ་བུས། ཤིན་ཏུ་ལེགས་སོ། འཇིག་རྟེན་སྒྲོན་མས་ཇི་སྐད་གསུང་བ་དེ་བཞིན་དུ་བགྱིའོ། །
བླ་མས། ཁྱོད་སེམས་ཅན་གྱི་དོན་ལ་བྲེལ་བས། ད་རི་ནག་པོའི་གཙུག་ལག་ཁང་དུ་སོང་ལ་བདག་གི་བཀའ་འདི་སྨོས་ཤིག །ཆོས་དབྱིངས་བདེ་བ་ཆེན་པོ་ལས། །ཐུགས་རྗེ་སྤྲིན་གྱི་འོད་ཟེར་འཁྲིགས། །ཉམས་དབྱངས་ཆོས་ཀྱི་སྦྲང་ཆར་འབབ། །བདེ་སྟོང་སྙན་པའི་འབྲུག་སྒྲ་སྒྲོགས། ཁོ་བོའི་ཡུམ་ཆེན་ཆོས་ཀྱི་སྐུ། །སྤྱན་རས་གཟིགས་དང་ལྷན་ཅིག་ཏུ། །བདེ་སྤྱོད་རྒྱལ་པོའི་ཁབ་ཏུ་སོང། གནས་དེར་གཞལ་ལས་ཆེན་པོར་སྒྱུར། །གང་གི་རང་རྒྱུད་གདམས་པས་ཐུལ། །དེ་ནི་བདག་གི་གདམས་ངག་ཡིན། (ཞེས་གསུང་འཕྲིན་བསྐུར་བས་རྒྱལ་བུ་ཤིན་ཏུ་མཉེས་ཏེ་གུས་ཕྱག་ཅིག་ཕུལ་བ་དང་བླ་མའིབྱིན་རླབས་ཀྱིས་དེ་མ་ཐག་ཏུ་མཁའ་འགྲོ་བྱེ་བ་འབུམ་གྱི་ཚོགས་ཁང་ག་ལ་བ་དེར་སླེབས་སོ།)