ཁ༽ རྫས་འགྱུར་རིག་པ། (CHEMISTRY)

 

གཞི་རིམ་གོང་མ་ནི་སློབ་གྲྭའི་དུས་སྐབས་གལ་ཆེ་ཤོས་དེ་ཡིན། དུས་སྐབས་འདིར་སློབ་ཕྲུག་ཚོས་སྤྱིར་བཏང་སློབ་སྦྱོང་ནས་ཆེད་ལས་སློབ་སྦྱོང་བྱེད་པའི་དུས་རིམ་ཞིག་ཡིན་པས། གཞི་རིམ་བར་འོག་གི་ལོ་ངོ་བཅུའི་སློབ་ཁྲིད་དུས་ཡུན་ཁྲོད་སློབ་མ་རྣམས་ལ་སྨན་པ་དང། སྨན་སྦྱོར། བཟོ་སྐྲུན། འཕྲུལ་ལས་སོགས་ཀྱི་ལས་རིགས་ཐོག་ཚན་རིག་སློབ་སྦྱོང་གི་ངོ་སྤྲོད་སྤྱི་ཙམ་པ་ཞིག་ལས་གཞི་རྐང་ཚུགས་པའི་ཆེད་ལས་སློབ་སྦྱོང་སྤྲད་མེད་པས། གཞི་རིམ་གོང་མའི་འཛིན་རིམ་བཅུ་གཅིག་དང་བཅུ་གཉིས་ཀྱི་སློབ་གཞིའི་ནང་རྫས་འགྱུར་རིག་པའི་སློབ་ཚན་གཏིང་ཟབ་ཙམ་ཚུད་པར་བྱས་ནས། མཐོ་སློབ་དང་རྫས་འགྱུར་དང་འབྲེལ་བའི་ལས་རིགས་ཀྱི་གནད་དོན་གང་ལའང་གདོང་ལེན་བྱ་ཐུབ་པའི་གོ་ཆ་བསྐྲུན་དགོས། IUPAC དང་CGPM སོགས་རྒྱལ་སྤྱིའི་རྫས་འགྱུར་ལྷན་ཚོགས་ཀྱིས་གཏན་འབེབས་བྱས་པའི་རྫས་གྱི་མིང་འདོགས་ཚུལ་དང། རྫས་ཀྱི་ཆོ་ག རྫས་ཀྱི་གཅིག་འགྱུར་མཚོན་རྟགས་སོགས་ལ་གལ་འགངས་ཧ་ཅང་ཆེན་པོར་བརྩི་དགོས་པ་མ་ཟད། ཤེས་རིག་ལས་ཁུངས་ནས་གཏན་འབེབས་བྱས་པའི་<<རྫས་འགྱུར་རིག་པའི་ཐ་སྙད་འབྲི་ཀློག་རྣམ་བཞག>>ལས་ཀྱང་གལ་ཆེའི་ལེགས་ཆ་བླངས་ནས་བསླབ་གཞིའི་རྩ་འཛིན་ནང་བཀོལ་སྤྱོད་ཐུབ་པ་བྱ་དགོས།

དམིགས་ཚད།

གཞི་རིམ་གོང་མ་འཛིན་རིམ་བཅུ་གཅིག་བཅུ་གཉིས་ཀྱི་རྫས་འགྱུར་རིག་པའི་བསླབ་གཞིའི་དམིགས་ཚད་ནི།

  • རྫས་འགྱུར་རིག་པའི་གཞི་རིམ་གོ་དོན་ཤེས་རྟོགས་ཐུབ་པ་བྱས་ནས། རྫས་འགྱུར་རིག་པར་སྤྲོ་སྣང་སླེབས་པ་བྱ་རྒྱུ།
  • སློབ་ཕྲུག་རྣམས་སློབ་སྦྱོང་དང་ཆེད་ལས་ལས་རིགས་ (སྨན་སྦྱོར། བཟོ་སྐྲུན། འཕྲུལ་ལས་སོགས།) ཐོག་སློབ་གཉེར་གཏིང་ཟབ་བྱ་ཐུབ་པ་བཟོ་ཐབས།
  • སློབ་ཕྲུག་རྣམས་གསར་དུ་ཐོན་པའི་རྫས་འགྱུར་རིག་པའི་ཁྱབ་ཁོངས་སློབ་ཚན་དང་ལས་རིགས་སོགས་ལ་གོ་རྒྱ་སྐྱེད་པར་བྱས་སྟེ། རང་གིས་སྦྱངས་པའི་སློབ་
  • ཚན་ཁག་འབྱུང་འགྱུར་རྫས་འགྱུར་དང་འབྲེལ་བའི་ཚན་རིག་དང་འཕྲུལ་ལས་བེད་སྤྱོད་བྱ་བར་བཀོལ་སྤྱོད་ཐུབ་པ་བྱ་རྒྱུ།
  • འཕྲོད་བསྟེན་དང། ཟས་བཅུད། ཁོར་ཡུག མི་འབོར། གནམ་གཤིས། བཟོ་གྲྭ། ཞིང་ལས་སོགས་ཀྱི་འགྱུར་འགྲོས་ཁག་ལ་གདོང་ལེན་དང། དུས་དང་མཐུན་པའི་དགོས་མཁོ་གསར་སྣོན་བྱ་རྒྱུ།
  • རྫས་འགྱུར་རིག་པའི་དཀའ་གནད་གསལ་བཀྲོལ།
  • སློབ་ཕྲུག་རྣམས་བཟོ་གྲྭ་དང་འཕྲུལ་ལས་ཀྱི་བེད་སྤྱོད་ལས་རིམ་ཁག་ལ་གོ་རྒྱ་སྐྱེད་དུ་འཇུག་པ།
  • རྫས་འགྱུར་རིག་པའི་སློབ་ཚན་རྣམས་དངོས་ཁམས་རིག་པ་དང། སྐྱེ་དངོས་རིག་པ། ས་གཤིས་རིག་པ། འཕྲུལ་ལས་རིག་པ་སོགས་ཚན་རིག་གི་སློབ་ཚན་གཞན་རྣམས་དང་འབྲེལ་ཐུབ་པ་བྱ་རྒྱུ།

 

འཛིན་རིམ་བཅུ་གཅིག

རྫས་འགྱུར་རིག་པ།

༡། རྫས་འགྱུར་རིག་པའི་གཞི་རིམ་གོ་དོན། Some Basic Concepts of Chemistry
༢། རྡུལ་ཕྲན་ཆགས་ཚུལ། Structure of Atom
༣། རྩ་རྫས་ཀྱི་དབྱེ་བ་དང་དུས་འཁོར་གྱི་ཁྱད་ཆོས། Classification of Elements and Periodicity in Properties
༤། རྫས་ཀྱི་འཆིང་དང་གྲུབ་རྫས་ཆགས་ཚུལ། Chemical Bonding and Molecular Structure
༥། དངོས་རྫས་ཀྱི་རང་བཞིན། རླུང་གཟུགས་དང་གཤེར་གཟུགས། States of Matter: Gases and Liquids
༦། དྲོད་ཤུགས་དང་ནུས་ཤུགས་གཞན་དབར་གྱི་འབྲེལ་བ་དཔྱད་ཐབས། Thermodynamics
༧། རྫས་ཀྱི་མཉམ་བྱ། Equilibrium
༨། རེ་ཌོགས་སྦྱོར་སྡེབ། Redox Reactions
༩། ཡང་རླུང། Hydrogen
༡༠། s སྡེ་ཚན་གྱི་རྩ་རྫས། s-Block Elements
༡༡། p སྡེ་ཚན་གྱི་རྩ་རྫས་ཁག་ཅིག Some p-Block Elements
༡༡། སྐྱེ་ལྡན་རྫས་འགྱུར་གྱི་གཞི་རྩའི་རྣམ་གཞག་དང་བྱ་ཐབས། Organic Chemistry: Some basic Principles and Techniques
༡༡། ཡང་རླུང་སོལ་རྫས། Hydrocarbons
༡༡། ཁོར་ཡུག་རྫས་འགྱུར། Environmental Chemistry

འཛིན་རིམ་བཅུ་གཉིས།

རྫས་འགྱུར་རིག་པ།

༡། སྲ་གཟུགས། Solid State
༢། ཞུ་ཁུ། Solutions
༣། གློག་སྐུལ་རྫས་འགྱུར། Electrochemistry
༤། རྫས་ཀྱི་འགུལ་ནུས། Chemical Kinetics
༥། ངོས་ཀྱི་རྫས་འགྱུར། Surface Chemistry
༦། རྩ་རྫས་ཁེར་འདོན་གྱི་གཞི་རྩའི་རྣམ་གཞག་དང་བྱ་ཐབས། General Principles and Processes of Isolation of Elements
༧། p སྡེ་ཚན་གྱི་རྩ་རྫས། p-Block Elements
༨། d- དང་ f- སྡེ་ཚན་གྱི་རྩ་རྫས། d- and f- Block Elements
༩། མཐུན་སྦྱོར་འདུས་རྫས། Coordination Compounds
༡༠། ཧ་ལོ་ཨལ་ཀེན་དང་ཧ་ལོ་ཨ་རེན། Haloalkanes and Haloarenes
༡༡། ཆང་དང། ཧྥེ་ནོལ། ཨེ་ཐེར། Alcohols, Phenols and Ethers
༡༢། ཡང་རླུང་བསལ་བའི་ཆང་བཅུད་དང། ཀེ་ཊོན། ཀར་བོག་སི་ལིག་སྐྱུར། Aldehydes, Ketones and Carboxylic Acids
༡༣། ནེ་ཏྲོ་ཇེན་ཡོད་པའི་སྐྱེ་ལྡན་འདུས་རྫས། Organic Compounds containing Nitrogen
༡༤། སྐྱེ་ལྡན་གྲུབ་རྫས། Biomolecules
༡༥། ཆ་འདྲའི་གྲུབ་ཕུང། Polymers
༡༦། ཉིན་རེའི་འཚོ་བའི་ནང་གི་རྫས་འགྱུར། Chemistry in Everyday Life