ཕྱི་ལོ་ ༢༠༡༩ ལོའི་ལྦཱ་སཱ་ཅི་སློབ་ཡོན་གསལ་བསྒྲགས།

༄༅། །ཨ་རི་ཡུ་ཊ་མངའ་སྡེའི་ཁོངས་ལྦཱ་སཱ་ཅི་གཙུག་ལག་སློབ་ཁང་  (Wasatch Academy, Utah, US)ཞེས་པའི་སྙན་གྲགས་ཅན་གྱི་སློབ་གཉེར་ཁང་དུ་འཛིན་རིམ་བརྒྱད་པ་ཐོན་པའི་རང་རིགས་བོད་མི་སྐྱབས་བཅོལ་བའི་སློབ་ཕྲུག་གཅིག་ལ་སློབ་གྲྭ་མཐོ་བའི་འཛིན་རིམ་དགུ་པ་ནས་བཅུ་གཉིས་བར་སློབ་སྦྱོང་ཆེད་ཕར་ཕྱིར་གནམ་གླ་རང་ངོས་ནས་གནང་དགོས་ཕུད། གཞན་སློབ་ཡོན་ཁོངས་ (Tuition fees, room and board) ཆ་ཚང་གོང་འཁོད་སློབ་ཁང་ནས་གནང་རྒྱུའི་ཞལ་བཞེས་བྱུང་ཡོད་ན། གཤམ་གསལ་དགོས་ངེས་ཆ་རྐྱེན་ཚང་རིགས་ནས་ཕྱི་ལོ་ ༢༠༡༩ ཟླ་ ༣ ཚེས་༣༡ འགྱངས་མེད་འདིར་གསལ་སྦྲེལ་མཐུད་ཁ་བྱང་བརྒྱུད་འཚང་སྙན་འབུལ་ཟིན་པ་དགོས།

https://goo.gl/forms/kd7KJH3oTTe5chjO2

སློབ་ཡོན་གྱི་ཆ་རྐྱེན་འོས་ཆོས་དང་དགོས་མཁོའི་ཡིག་ཆ་ཁག་གཤམ་གསལ།

  1. དོ་བདག་དང་ཕ་མའི་དྭང་བླངས་དཔྱ་དངུལ་ཕྱི་ལོ་ ༢༠༡༨ བར་གཙང་ཕུལ་ཟིན་པའི་དཔྱ་ཁྲལ་ལག་དེབ་ཀྱི་ངོ་ བཤུས་འབུལ་དགོས་པ་དང་། ཕ་མ་བོད་ནང་ཡོད་པའམ་ཡང་ན་ཁ་བྲལ་བ། འདས་གྲོངས་སུ་ཕྱིན་པ་ཡིན་ཚེ་འབྲེལ་ཆགས་ས་གནས་འགོ་འཛིན་གྱི་ངོ་སྦྱོར་འབུལ་དགོས།
  2. འཚང་སྙན་འབུལ་མི་གང་ཞིག་དབུས་བོད་མིའི་སྒྲིག་འཛུགས་ཁྱབ་ཁོངས་སློབ་ཁག་ནས་ཕྱི་ལོ་ ༢༠༡༨ ལོར་འཛིན་རིམ་བརྒྱད་པ་ཐོན་པའི་ཐོག་ཉུང་མཐར་བརྒྱ་ཆ་ ༧༥ དང་དེ་ཡན་ལོན་པ་ཞིག་དགོས་པས། འཛིན་རིམ་བརྒྱད་པའི་ཡིག་རྒྱུགས་གྲུབ་འབྲས་ཨང་ཤོག་གི་ངོ་བཤུས་འབུལ་དགོས།

སློབ་ཡོན་འདེམས་སྒྲུག་བརྒྱུད་རིམ་ཁག་གཤམ་གསལ།

  1. ཕྱི་ལོ་ ༢༠༡༩ ཟླ་ ༤ པའི་ནང་ཤེས་རིག་ལས་ཁུངས་ནས་གོང་གསལ་ས་མིག་ཆེད་བོད་ཡིག་དང། ཨིན་ཇི། ཨང་རྩིས་བཅས་ཀྱི་འབྲི་རྒྱུགས་འབྲེལ་ཆགས་ས་གནས་འགོ་འཛིན་ལས་ཁུངས་ཁག་ནང་གཏོང་རྒྱུ།འབྲི་རྒྱུགས་ཀྱི་བརྒྱ་ཆ་བགོ་ཕྱོགས་གཤམ་གསལ་ལྟར་ཨང་རྩིས་ཐོག་དམིགས་བསལ་དགོངས་བཞེས་གནང་རྒྱུ་ཡིན། བོད་ཡིག =༢༥ ཨིན་ཇི་= ༢༥ ཨང་རྩིས་=༥༠
  2. ཕྱི་ལོ་ ༢༠༡༩ ཟླ་ ༥ པའི་ནང་ཡིག་རྒྱུགས་ཀྱི་ཕྱོགས་བསྡོམས་བརྒྱ་ཆ་རྩེ་བཏོག་གིས་སློབ་ཕྲུག་ ༤ ཡི་ འཚང་སྙན་འགེངས་ཤོག་དང་། ངོ་སྤྲོད་རྒྱབ་གཉེར་བཅས་ལྦཱ་སཱ་ཅི་གཙུག་ལག་སློབ་ཁང་ལ་འབུལ་རྒྱུ་དང་། མཐའ་མའི་འདེམས་སྒྲུག་ཆེད་རྩེ་ཕུད་སོན་པའི་སློབ་ཕྲུག་དེ་དག་ལ་ལྦཱ་སཱ་ཅི་གཙུག་ལག་སློབ་ཁང་གི་ཚོགས་མི་ ཞིག་ནས་དྲྭ་ཐོག་ངག་རྒྱུགས་བླང་སྟེ་སློབ་ཕྲུག་གཅིག་འདེམས་སྒྲུག་གནང་རྒྱུ།
  3. ཕྱི་བསྐྱོད་ལག་དེབ་སེར་པོ་ (IC) ཕྱི་ལོ་ ༢༠༡༩ ཟླ་ ༨ ནང་ཚུད་ཐོན་ཐབས་ཀྱི་འགན་འཁུར་དོ་བདག་སོ་སོ་ནས་གནང་དགོས་རྒྱུ།

དྭོགས་འདྲི་གནང་དགོས་རིགས་གཤམ་གསལ་གློག་འཕྲིན་ཁ་བྱང་དང་ཞལ་པར་ཐོག་འབྲེལ་བ་གནང་འཐུས་བཅས། ཤེས་རིག་སློབ་ཡོན་ཚན་པ་ནས་ཕྱི་ལོ་ ༢༠༡༩  ཟླ་ ༡ ཚེས་ ༢༣ ལ།།

Department of Education, CTA
GangchenKyishong, Dharamsala – 176215
District Kangra, Himachal Pradesh, India
E mail:   scholarship@tibet.net
Phone: 01892. 226695, 222572 and 222721
Website: www.sherig.org, www.lamton.org
Facebook:  www.facebook.com/doe.lobyon/