༄༅། །ལེགས་བཤད་ལྗོན་དབང་དང་དཀའ་གནད་གསལ་བའི་མེ་ལོང་གི་འགྲེལ་བ་བརྡ་སྤྲོད་རྒྱ་མཚོར་འཇུག་པའི་གྲུ་གཟིངས་ཞེས་བྱ་བ།

སྔོན་གླེང་།

ལུང་དུ་སྟོན་པའི་གསུང་རབ་རྒྱ་མཚོའི་ཀློང་།།
བློ་གྲོས་རྐྱལ་གྱིས་བརྒལ་ནས་རྙེད་པའི་ཟོང་།།
ལེགས་བཤད་ལྗོན་པའི་དབང་པོ་འདི་ཁོ་ན།།
འཇུག་བདེའི་ལམ་ཡིག་གཅིག་ཏུ་ཁོ་བོས་མཇལ།།

བརྡ་སྤྲོད་གཞུང་དོན་མང་པོའི་གནད་དང་འགངས།།
གཅིག་ཤེས་ཀུན་གྲོལ་གདམས་པ་ཟབ་མོའི་ནོར།།
རྒྱན་དུ་ལེན་ན་ལྗོན་པའི་དབང་པོའི་ཚལ།།
ངལ་གསོའི་སྟེགས་སུ་བསྟེན་པ་གནད་དུའང་མཐོང།།

མཁས་མང་བྱེ་བའི་དགོངས་བཅུད་མན་ངག་རྒྱུན།།
ཉུང་ངུའི་ཚིག་གིས་བཞེངས་པའི་གྲུ་གཟིངས་འདིར།།
ཞུགས་ནས་ཤེས་རིག་ཆུ་གཏེར་ཡངས་པོ་རུ།།
བགྲོད་པ་བསྟེན་དག་ནོམ་འདི་སྙིང་ལ་ཆོངས།།

    ཞེས་སྔུན་བསུའི་ཚིག་དང་བཅས་ཏེ། 《སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོོ》་དང་《རྟགས་འཇུག་དཀའ་གནད་གསལ་བའི་མེ་ལོང་》གཉིས་ཀྱི་འགྲེལ་བ་བརྡ་སྤྲོད་རྒྱ་མཚོར་འཇུག་བདེའི་གྲུ་གཟིངས་ཞེས་བྱ་བ་འདི་བཞིན། རྩ་འགྲེལ་ཆབས་སྦྲགས་ཤིན་ཏུ་ནས་བལྟ་བདེར་འགོད་པར་བྱ་བ་ལ་འཇུག་གོ །

རྩོམ་པ་པོ།             རྡོ་རྗེ་དབང་ཕྱུག
རྩོམ་སྒྲིག་པ།            དགེ་འདུན་དོན་ཡོད།
རྒྱབ་ཤ་ཇུས་འགོད།                  རྡོ་རྗེ་དབང་ཕྱུག

དཀར་ཆག

དངུལ་ཆུ་དབྱངས་ཅན་གྲུབ་པའི་རྡོ་རྗེ་ངོ་སྤྲོད་མདོར་བསྡུས།
སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོ།
ལེགས་བཤད་ལྗོན་དབང་གི་འགྲེལ་བ་བརྡ་སྤྲོད་རྒྱ་མཚོར་འཇུག་བདེའི་གྲུ་གཟིངས་ཞེས་བྱ་བ།
ཡི་གེ
དབྱངས་ཀྱི་ཡི་གེ
གསལ་བྱེད་ཀྱི་ཡི་གེ
རྗེས་འཇུག་གི་ཡི་གེ
ཡང་འཇུག་གི་ཡི་གེ
སྔོན་འཇུག་གི་ཡི་གེ
མགོ་ཅན་གྱི་ཡི་གེ
འདོགས་ཅན་གྱི་ཡི་གེ
སྲོག་གི་ཡི་གེ
རྐྱེན་གྱི་ཡི་གེ
ཕ་ཡི་ཡི་གེ
མ་ཡི་ཡི་གེ
བུ་ཚའི་ཡི་གེ
རྣམ་དབྱེ་བཤད་པ།
མིང༌།
ཚིག
རྣམ་དབྱེ་དང་པོ།
སླར་བསྡུ།
ལ་དོན་བཤད་པ།
བྱ་བའི་ཡུལ་ནི།
རྣམ་དབྱེ་གཉིས་པ་ལས་སུ་བྱ་བ།
རྣམ་དབྱེ་བཞི་པ་དགོས་ཆེད།
རྣམ་དབྱེ་གཉིས་པའི་ནང་ཚན་དེ་ཉིད།
རྣམ་དབྱེ་བདུན་པ་གནས་གཞི།
རྣམ་དབྱེ་བདུན་པའི་ནང་ཚན་ཚེ་སྐབས།
ལ་དོན་གྱི་སྒྲ་ཡི་སྦྱོར་ཚུལ་ནི།
རྣམ་དབྱེ་དྲུག་པ་འབྲེལ་སྒྲ།
རྣམ་དབྱེ་གསུམ་པ།
རྒྱན་སྡུད།
ལྷག་བཅས།
འབྱེད་སྡུད།
རྣམ་དབྱེ་ལྔ་པ་འབྱུང་ཁུངས།
རྣམ་དབྱེ་བརྒྱད་པ་འབོད་སྒྲ།
ནི་སྒྲ།
དང་སྒྲ།
དེ་སྒྲ།
སྤྱི་སྒྲ།
བདག་སྒྲ།
དགག་སྒྲ།
ཚིག་ཕྲད་ཞིང་སོགས་བཤད་པ།
དབུ་ཁྱུད་དང་ཤད་སོགས་ཀྱི་སྦྱོར་ཚུལ།
རྟགས་ཀྱི་འཇུག་པའི་སྙིང་པོའི་དོན་མདོ་ཙམ་བརྗོད་པ་དཀའ་གནད་གསལ་བའི་མེ་ལོང་།
དཀའ་གནད་གསལ་བའི་མེ་ལོང་གི་འགྲེལ་བ་བརྡ་སྤྲོད་རྒྱ་མཚོར་འཇུག་བདེའི་གྲུ་གཟིངས་ཞེས་བྱ་བ།
རྟགས་འཇུག་ཅེས་པའི་དོན་བཤད་པ།
གཞུང་དོན་དངོས་དང་འབྲེལ་བའི་ཚིག་དོན་གྱི་རིམ་པ་བཤད་པ།
གཅིག མིང་གཞིའི་རྟགས་ཀྱི་དབྱེ་བ་བསྟན་པ།
གཉིས། སྔོན་འཇུག་རྟགས་ཀྱི་དབྱེ་བ་བསྟན་པ།
༡ སྔོན་འཇུག་རྟགས་ཀྱི་དབྱེ་བ།
༢ སྔོན་འཇུག་རྟགས་ཀྱི་འཇུག་པ།
༣ རང་གི་འཇུག་ཡུལ་མིང་གཞིར་སྒྲ་རྩོལ་ཇི་ལྟར་འཇུག་པའི་ཚུལ།
༤ དགོས་པ་ཅིའི་ཕྱིར་འཇུག་ཚུལ།
བྱེད་པའི་ལས་ཞེས་པ་ནི།
བྱ་བའི་ལས་ཞེས་པ་ནི།
བྱེད་པ་པོ་དང་བྱེད་པ།
བྱ་བྱེད་ཐ་དད་པ་དང་བྱ་བྱེད་ཐ་མི་དད་པ་ནི།
བྱ་བྱེད་ཐ་དད་པ།
བྱ་བྱེད་ཐ་མི་དད་པ།
དངོས་པོ་བདག་གཞན།
བྱ་བྱེད་ལས་གསུམ་བཤད་པ།
བདག་གཞན་གྱི་དབྱེ་བ་ཕྱེས་ནས་དུས་གསུམ་གྱི་དབྱེ་བ་བསྟན་པ་ནི།
བྱ་བྱེད་ཤེད་མཚུངས་སུ་དབྱེ་ཚུལ་ནི།
དངོས་པོ་གཞན་སྟོན་པར་འཇུག་པ་ནི།
དུས་གསུམ་སྤྱི་དང་བྱེ་བྲག ཐོར་བུ་བཅས་ཀྱི་ངོ་སྤྲོད།
༡ དུས་གསུམ་སྤྱིར་བཏང་བ་ནི།
༢ དུས་གསུམ་བྱེ་བྲག་པ།
༣ དུས་གསུམ་ཐོར་བུ་ནི།
གསུམ་པ། རྗེས་འཇུག་རྟགས་ཀྱི་འཇུག་པ་བཤད་པ།

ཟུར་བཀོད།
༼༡༽    སྤྱི་ལ་འཇུག་པའི་སྤྱི་སྒྲ་དང༌། བྱེ་བྲག་ལ་འཇུག་པའི་སྤྱི་སྒྲ། དྲི་བ་ལ་འཇུག་པའི་སྤྱི་སྒྲ་བཅས་གླེང་བ།
༼༢༽    སུམ་ཅུ་པ་དང་རྟགས་འཇུག་གི་དཀའ་གནད་འགའ་ཞིག་ཐད་ཀྱི་ལྟ་ཚུལ་གླེང་བ།

རྩོམ་པ་པོ་ངོ་སྤྲོད།

དེབ་འདིའི་རྩོམ་པ་པོ་རྡོ་རྗེ་དབང་ཕྱུག་ནི། མདོ་སྨད་རེབ་གོང་ནས་སྐྱེས་ཤིང་། ༡༩༨༤ ལོ་ནས་སློབ་གྲྭར་ཞུགས་ཏེ།  སློབ་ཆུང་དང་སློབ་འབྲིང། འབྲིང་རིམ་ཆེད་སྦྱོང་བར་དང་། ཕྱི་ལོ་ ༡༩༩༥ ལོར་ས་རཱ་རིགས་ལམ་སློབ་གཉེར་ཁང་ནས་རིག་གནས་རབ་འབྱམས་པ་དང་དགེ་འོས་སློབ་གཉེར་བྱས།
ཕྱི་ལོ་ ༡༩༩༧ ཟླ་ ༦ པ་ནས་ནོར་གླིང་བོད་ཀྱི་རིག་གཞུང་ཞིབ་འཇུག་ལྟེ་གནས་ཀྱི་ཞིབ་འཇུག་པ་དང་། ཕྱི་ལོ་ ༡༩༩༩ ལོ་ནས་ཞིབ་འཇུག་ལྟེ་གནས་ཀྱི་འགན་འཛིན་དང་སྤྱི་ཁྱབ་རྩོམ་སྒྲིག་པ་གཅིག་ལྕོགས་ཀྱི་ལས་ཁུར་བླངས་པའི་མི་ལོ་བཅོ་ལྔ་ལྷག་གི་རིང་། ལྟེ་གནས་འདི་འབྲེལ་གྱི་ལས་གཞིའི་གྲས་བོད་ཀྱི་ཆོས་རིག་ངོ་སྤྲོད་གླེགས་བམ་ཆེན་མོ་༼ གངས་ཅན་ཤེས་རིག་བང་མཛོད་ ༽ཀྱིི་གཙོ་འགན་རྩོམ་སྒྲིག་པའི་འགན་ཁུར་གྱིས་ད་ལྟ་ཡོངས་སུ་གྲུབ་ནས་དཔར་འདོན་ཞུས་ཆོག་ཏུ་ཡོད་པ་དང་། གཞན་ཡང་། རྩོམ་རིག་དུས་དེབ་༼ ནོར་འོད ༽ དཔྱད་རྩོམ་དུས་དེབ་༼ ནོར་མཛོད་ ༽ ཟླ་རེའི་སྐྱེས་ཕྲིན་༼ ནོར་ལྡེ་ ༽ཚགས་ཤོག་བཅས་ཀྱི་སྤྱི་ཁྱབ་རྩོམ་སྒྲིག་པ་ཡིན།
ཕྱི་ལོ་ ༢༠༠༣ ལོར་དབྱིན་ཡུལ་ཨོག་སི་ཧྥོར་ཌིར་འཚོགས་པའི་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་བཅུ་པ་དང་། ཕྱི་ལོ་ ༢༠༠༦ ལོར་འཇར་མན་དུ་འཚོགས་པའི་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་བཅུ་གཅིག་པ། ཕྱི་ལོ་ ༢༠༡༠ ལོར་ཁེ་ན་ཊའི་ཝན་ཁོ་བར་ལ་འཚོགས་པའི་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་བཅུ་གཉིས་པ་བཅས་ལ་ཞུགས་མྱོང་ཞིང་། ཉེ་བའི་ལོ་ངོ་བཅུ་གྲངས་རིང། དཔྱད་རྩོམ་དང། སྙན་རྩོམ། དཔྱད་བརྗོད་རྩོམ་ཡིག་མང་པོ་འབྲི་སྤེལ་ཞུས་འབྲས་སུ། ད་ཆར། དཔྱད་རྩོམ་ཁོ་ན་ཕྱོགས་བསྒྲིགས་ཀྱི་དེབ་《ལོ་རྒྱུས་གླེང་བ》 《སྤྱི་ཚོགས་གླེང་བ།》 《རིག་གཞུང་གླེང་བ》 《ལྟ་ཚུལ་གླེང་བ་》བཅས་སུ་བརྗོད་དོན་གྱིས་དབྱེ་འབྲེལ་དེབ་བཞི་དང་སྙན་རྩོམ་ཕྱོགས་བསྒྲིགས་ཀྱི་དེབ་གཅིག་བཅས་ཆེད་བསྒྲིགས་དཔར་འགྲེམས་བྱས་ཡོད།

མདུན་ངོས།