གཏམ་རྒྱུད་གཅེས་བསྡུས།

གླེང་གཞི།

༄༅། །སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་ནས་རང་རིགས་ན་གཞོན་ཚོའི་ཤེས་ཡོན་གོང་འཕེལ་གཏོང་ཕྱོགས་སྐོར་ལ་ཟབ་བརླིང་དོན་སྙིང་ཅན་གྱི་བཀའ་སློབ་རིམ་པར་ཕེབས་པའི་དགོངས་དོན་བཞིན། རང་ཅག་གི་སྐད་ཡིག་ནི། ཆོས་དང་རིག་གཞུང་ཚང་མར་བེད་སྤྱོད་ཡོད་པའི་འཛམ་གླིང་གི་རིག་གཞུང་སྙིང་གྲས་ཤིག་ཡིན་ཞིང༌། དེ་ལྟ་ནའང་སྐད་ཡིག་ཕུན་སུམ་ཚོགས་པོ་ཡོད་པ་ཙམ་གྱིས་མི་འགྲིག་པར། དུས་རབས་ཀྱི་འཕེལ་འགྲོས་དང་བསྟུན་ནས། ཚན་རིག་ཕྱོགས་སུ་སྐད་ཡིག་འདིའི་གོམ་ཁ་ཇེ་མགྱོགས་སུ་གཏོང་རྒྱུ་ནི། རང་རིགས་ན་གཞོན་ཚོའི་ཕྲག་ཏུ་བབས་པའི་འོས་འགན་རླབས་པོ་ཆེ་ཞིག་ཡིན།
    དེར་བརྟེན། ན་གཞོན་རྣམས་མི་རིགས་རང་ཉིད་ཀྱི་སྐད་ཡིག་དང་སྔ་རབས་མཁས་པས་མཛད་པའི་གསུང་རྩོམ་སོགས་ཀྱི་ཚིག་སྦྱོར་ལ་གོམས་འདྲིས་ཡོང་ཆེད། ད་ལན་ང་ཚོས་པཎ་ཆེན་བསོད་ནམས་གྲགས་པས་(༡༤༧༨-༡༥༥༤)མཛད་པའི་དགེ་ལྡན་ལེགས་བཤད་དང༌། དེའི་འགྲེལ་བ་དབྱངས་ཅན་དགའ་བའི་བློ་གྲོས་ཀྱིས་བརྩམས་པ་དེ་དང༌། སློབ་དཔོན་ཀླུ་སྒྲུབ་ཀྱིས་མཛད་པའི་སྐྱེ་བོ་གསོ་ཐིག་གི་འགྲེལ་བ་བློ་གྲོས་སྦས་པས་(༡༥༨༠-)རྣམ་བཤད་ནོར་བུའི་རྒྱན་སོགས་ལེགས་བཤད་ཀྱི་གཏམ་རྒྱུད་ཁག་ཅིག་བདམས་བསྒྲིགས་ཀྱིས་དཔར་བསྐྲུན་བྱས་པ་ཡིན། སྐབས་འདིར་གསལ་བཤད་བྱ་དགོས་པ་ཞིག་ནི། སྔ་རབས་མཁས་པས་མཛད་པའི་གཏམ་རྒྱུད་ཡོད་ཚད་ཕྲུ་གུའི་ཤེས་ཚད་དང་བསྟུན་ནས་སླ་བཅོས་བྱེད་ཐབས་བྲལ་བ་དང༌། ཕྲུ་གུ་འི་ཤེས་ཚད་ལ་བསྟུན་དྲགས་ན། ལྡོག་ཕྱོགས་ནས་སྐྱོན་ཡང་ཡོང་གི་ཡོད་པ་དཔེར་ན། བཀའ་དང་བསྟན་བཅོས་སོགས་གོ་དོན་ཟབ་པའི་རིགས་ལྟ་ཞོག ཐ་ན་སྔ་རབས་མཁས་པས་མཛད་པའི་རྒྱལ་རབས་ལོ་རྒྱུས་དང༌། རྣམ་ཐར་རྩོམ་རིག་སོགས་ལའང་སློབ་སྦྱོང་བྱེད་མི་འདོད་པ་དང༌། གལ་སྲིད་འདོད་ཀྱང་ཚིག་སྦྱོར་རྙིང་པར་གོམས་འདྲིས་མེད་པ་དང༌། གོ་རྟོགས་ཀྱི་དཀའ་ངལ་འཕྲད་ངེས་ལ་བརྟེན། འདིར་སྒྲུང་གཏམ་གྱི་ཚིག་སྦྱོར་བཟོ་བཅོས་མ་བྱས་པར་ཤིང་པར་ཇི་བཞིན་རང་སོར་འཇོག་ཐབས་བྱས་ཡོད་ཀྱང༌། བརྡ་རྙིང་སོགས་གོ་དཀའ་བའི་རིགས་ལ་མཆན་འགྲེལ་འོས་འཚམས་རེ་བཀོད་ཡོད་པ་བཅས། ཤེས་རིག་རྩོམ་སྒྲིག་སྡེ་ཚན་ནས་རབ་བྱུང་བཅུ་བདུན་པའི་རབ་གནས་མེ་གླང་ས་ག་ཟླ་བའི་ཚེས་༡༥ བཟང་པོ་སྟེ། ཕྱི་ལོ་༡༩༩༧ ལོའི་ཟླ་ ༥ ཚེས་ ༢༢ ཉིན།

 དཀར་ཆག

བོང་བུ་གཟིག་ལྤགས་ཅན།
པགས་བྱེའུ་སྤུ་མེད།
སྤྲེའུ་དང་བྲམ་ཟེ།
བློན་པོ་རིག་པ་ཅན།
ཕུག་རོན་གྱིས་ཆུང་མ་བསད་པ།

ཁྱེའུ་གཙུག་ཕུད་ཅན།
བུ་མོས་རྒྱལ་ངན་བསྒྲལ་པ།
ཆུ་སྐྱར་དང་སྦལ་པ།
ཕ་རྒན་དུ་བས་བསད་པ།
ཝ་སྐྱེས་མགོ་བོ་བཀས་པ།

འུག་པའི་བློན་པོ་གསེར་མིག་ཅན།
བླུན་པོས་ཙན་དན་བཙོངས་པ།
སློབ་དཔོན་བྱི་ལ།
ལོ་ངམ་རྟ་རྫས་རྒྱལ་པོ་བཀྲོངས་པ།
ང་རྒྱལ་ཆེ་བའི་མཁའ་ལྡིང༌།

སེང་གེས་གླང་ཆེན་ཁུར་པ།
ཁྱེའུ་དང་མི་ཁྲེལ་མེད།
ཚོང་དཔོན་སིང་ག་ལ།
སྤྲེའུ་དང་གྲོགས་པོ་ཀ་ལན་ཏ་ཀ།
ནེ་ཙོའི་རྫུན་ཚིག

རུས་སྦལ་དང་སྤྲེའུ།
སྲེག་པས་ཝ་སྐྱེས་བསད་པ།
གྲོགས་པོ་བཞི།
སྐྱུ་རུ་ར་གསུམ།
ཁྲོན་པའི་སྦལ་པ།

གློག་ཀླད་དུ་འཇུག་སྒྲིག་པ། བསོད་ནམས་གཡུ་སྒྲོན།

མདུན་ཤོག