Category Archives: སྙན་རྩོམ།

རྐང་ལམ་ཕྲ་མོ།

དོན་གྲུབ་རྒྱལ། ངའི་བསམ་པའི་བརྩེ་དུང་གི་རྩིག་ལྡེབས་ངོས་སུ་ལྷམ་མེར་བཀྲ་བའི་དྲན་འཛིན་གྱི་རི་མོ་སྟེ།     ལོ་ཟླའི་རླུང་འཚུབ་ཀྱིས་བསུབ་མི་ཐུབ་ཅིང། དུས་ཀྱི་ཆར་ཆུ་ཡིས་འཇིག་མི་ནུས་པ་ནི་ང་ཚོའི་སྡེ་འདབས་ཀྱི་རྐང་ལམ་ཕྲ་མོ་དེ་རེད། རྒྱུ་མཚན་ནི། རྐང་ལམ་ཕྲ་མོ་དེ་ནི་ངའི་ཕ་ཡུལ་གྱི་རྒྱུ་ལམ་ཉག་ཅིག་ཡིན་ལ། དུས་རབས་ཇི་འདྲ་མང་པོའི་རིང་ལ་མི་རབས་ནས་མི་རབས་བར་དུ་ལོ་རྒྱུས་ཀྱི་ཞབས་རྗེས་བགྲང་ལས་འདས་པ་ཞིག་ལམ་ཕྲན་འདིའི་སྟེང་དུ་བཞག་ཡོད་པ་དང། དཀའ་ཚེགས་ཆེ་ཞིང་རྩོལ་བ་བསྐྱེད་པའི་རྔུལ་ཆུ་ཇི་འདྲ་མང་པོ་ཞིག་རྐང་ལམ་འདིའི་སྟེང་དུ་སིམ་ཡོད་པ་རེད་ཨང་། དེའི་ཕྱིར། ངས་རྐང་ལམ་ཕྲ་མོ་དེ་ཡིད་ལ་དྲན་ཐེངས་རེར། བསམ་པའི་དྲན་ཤེས་ཀྱི་ཡོལ་བའི་ངོས་ལ་འཆར་ཡན་གྱི་སྣང་བརྙན་མང་པོ་ཞིག་དབང་མེད་དུ་འཆར་འོངས་པ་དང། བརྗོད་བྱ་མི་གསལ་བའི་གཏམ་རྒྱུད་ཀྱི་འགྲོས་སྙན་མོ་ཞིག་ངའི་ཐོས་འཛིན་གྱི་བུ་ག་བརྒྱུད་དེ་སེམས་ཀྱི་གཏིང་དང་གློ་རྒྱུ་མའི་མཚམས་ན་ལྷང་ལྷང་དུ་གྲགས་པའི་སྣང་བ་སྟེར་ཅིང་མཆིས། ངོ་མ་དེ་ནི་ང་ཚོ་དང་རྒྱང་ཐག་ཤིན་ཏུ་རིང་བའི་གནའ་སྔ་མོའི་དུས་ཀྱི་གཏམ་རྒྱུད་ཅིག་རེད། ཡིད་འཛིན་ཆེ་ཞིང་ཁ་བརྡ་ལ་དགའ་བའི་རྒན་རྒོན་དེ་དག་གིས་སོས་དུས་ཀྱི་ཉི་མ་འཕུད་ཐབས་བྱེད་སྐབས། སྐྱིད་སྡུག་གི་གཉེར་མ་ཤ་ཤུར་བབས་པའི་ནང་དུ་དགའ་སྐྱོ་འདྲེས་མའི་མིག་ཆུ་དང་བཅས་ཏེ། “གནའ་མི་གླེན་པ་དེ་ཚོ། ཨེ་ན། ས་རྩུབ་པོ་འདི་འདྲ་རུ་གཞིས་ཆགས་རྒྱུ་སེམས་ལ་ཇི་ལྟར་དྲན་པ་ཡིན་ནམ།” ཞེས་གདུང་སེམས་དང་བཅས་ཏེ་འཁང་ར་རེ་བྱེད་པ་དང། དེའི་མོད་ལ། སྡེ་འདབས་ཀྱི་རྐང་ལམ་ཕྲ་མོ་དེའི་སྐོར་ལ་ལབ་གླེང་བྱས་ཏེ་ཉི་མ་མ་ནུབ་བར་དུ་འདུག་པ་དང། སྐབས་རེར་ལྟ་བ་མ་མཐུན་པར་ཚིག་རྩོད་བྱེད་པའང་ཡོད། “ཁྱོད་ཀྱི་ཅི་ཤེས། ང་ལྡོང་གི་རུས་ཆེན་བཅོ་བརྒྱད་ཀྱི་རྒྱུད་པ། བོད་རུས་བཞི་ཡི་ནང་ཚན། རུས་ཆུང་སྟོང་གི་ཡ་གྱལ། རུས་མཐུན་རྣམས་ཀྱི་ཐུ་བོ། ངའི་ཕ་མེས་ཡང་མེས་ཀྱི་རིང་ལ། ལྡོང་གཟུ་པ་དགེ་ལེགས་ཟེར་བས་ཆིབས་རྟ་ཁྱུང་ཆེན་ཟིལ་གནོན་ལ་ཞོན་ཏེ་དབྱངས་རྟ་རུས་ཆེན་མགོ་གནོན་བྱ་བ་བླངས་ནས་བརྒྱུགས་པའི་ཤུལ་ནི་མ་གིའི་རྐང་ལམ་ཕྲ་མོ་དེ་ཡིན།” ཞེས་རུས་ལྡོང་ཅན་གྱི་རྒད་པོ་དེས་ང་རྒྱལ་དང་བཅས་ཏེ་དེ་ལྟར་བཤད། “ཨ་ཧ། ལབ་བརྒྱག་ན་ཁྱི་ལབ་མ་རྒྱག ཁྲ་ཆུང་མིག་གིས་མཐོང་བ་མེད་ཀྱང། དར་ལུང་རྣ་བས་ཐོས་ཚུལ་ལོས་ཡོད། མ་གིའི་རྐང་ལམ་ཕྲ་མོ་དེ་ནི། སྨུག་པོ་གླིང་གི་གདུང་རྒྱུད། གླིང་ལྷ་སྡེ་དཀར་པོའི་རྒྱལ་པོ། མ་སེང་ལྕམ་འབྲུག་མོའི་བདག་པོ། གླིང་སེང་ཆེན་ནོར་བུ་དགྲ་འདུལ་གྱིས་རྟ་རྐྱང་རྒོད་གཡེར་བ་བཅིབས་ཏེ་ཧོར་སྡིག་ཅན་བཤན་པ་རྨེ་རུ་རྩེ་སྐེ་ལྕགས་ཐག་ཤ་ལེར་ཁྲིད་པའི་ཤུལ་ཡིན།” … finish reading རྐང་ལམ་ཕྲ་མོ།


༄༅།། གསོམ་སྡོང༌།

པད་མ་རྡོ་རྗེ། ༼སྦྲང་ཆར་ལས་བདམས།༽ ངའི་ཕ་ཡུལ་གྱི་ལྟག་ཀ་ན་རི་བོ་ཞིག་ཡོད་པ་དེར་ལྗོན་ཤིང་སྟུག་པོར་བཀོད་ཅིང༌། འདབ་ཆགས་དང་རི་དྭགས་ཀྱང་མང་པོ་གནས་པས། དངོས་གནས་གཅེས་སུ་རུང་བའི་ས་ཆ་ཞིག་རེད། བདག་ནི་རྒྱུན་པར་ས་དེར་ཁམས་བསང་དུ་འགྲོ་བའི་གོམས་གཤིས་ཤིག་ཆགས་ཡོད། (353)


རྩྭ་ཐང་དྲན་གླུ།

དོན་གྲུབ་རྒྱལ། བདག་ནི་ལྷ་ཡུལ་ལྟ་བུའི་རྒྱལ་ས་ན་གནས་ཀྱང། ། ཕ་ཡུལ་དྲན་པའི་འདུན་པ་འགོག་ཐབས་རང་མི་འདུག ། མཛེས་སྡུག་ལྡན་པའི་ཕ་ཡུལ་རྩྭ་ཐང་དེ་དྲན་དུས། ། བདག་གི་སེམས་འདི་རྟ་ཕོ་གཤོག་ཐོགས་དང་འདྲ་བྱུང། ། ད་ནི་མི་སྡོད་རང་གི་ཕ་ཡུལ་ལ་ཆས་འགྲོ། ། ཞིམ་མངར་ཅན་གྱི་ཆུ་མིག་དྭངས་མོ་དེ་དྲན་བྱུང། ། བང་རྩལ་བསྐྱེད་དེ་མུ་མེད་རྩྭ་ཐང་ལ་ཆས་འགྲོ། ། འཚོ་བཅུད་ལྡན་པའི་རམ་དཀར་རྩྭ་མཆོག་དེ་དྲན་བྱུང། ། (328)


འདུ་འབྲལ་སྙིང་པོ་མེད་པར་རྟོགས་པའི་གླུ།

དགེ་འདུན་ཆོས་འཕེལ། སྲིད་པའི་འབྱོར་བ་ལ་ཁའི་ན་བུན། །འདུས་པའི་གཉེན་གྲོགས་ཚོང་འདུས་མགྲོན་པོ། །མ་ངེས་སྐྱིད་སྡུག་མདང་གི་རྨི་ལམ། །བསམ་ཞིང་བསམ་ན་སྙིང་པོ་མི་འདུག །རྒྱུས་མེད་གཤིན་རྗེའི་ཕོ་ཉས་ཁྲིད་ནས། །ཕྱི་མའི་འཕྲང་རིང་འགྲིམ་པའི་གྲོགས་ལ། །སྐྱབས་ཀྱི་དམ་པ་རྩ་གསུམ་ལྷ་ཡིས། །ཐུགས་རྗེ་སྤྱན་གྱིས་སྐྱེལ་མ་མཛོད་ཅིག །སྐྱེས་ནས་འཆི་བ་འཁོར་བའི་ཆོས་ཉིད། །བསྒྱུར་དུ་མེད་པ་སྒྱུ་མའི་རང་མདངས། །མི་བཟློག་གཤིན་རྗེ་རྒྱལ་པོའི་བཀའ་ཡིག །ཉམས་ཆུང་གྲོགས་ཀྱི་སྟེང་དུ་སླེབས་སོང༌། །སྔོན་སྨོན་ལས་ཀྱི་ཆར་ཟིམ་ (554)


འདི་སྣང་འཁྲུལ་བའི་རོལ་རྩེད།1

རྩོམ་པ་པོ། རྒྱལ་དབང་ལྔ་པ་ངག་དབང་བློ་བཟང་རྒྱ་མཚོ། སྔོན་རབས་དམ་པའི་ངང་ཚུལ་ཟླ་ཤེལ་ལ། །བཟང་བོའི་རི་བོང་སྣང་བརྙན་བཀྲ་བ་དང་། ། དཀར་ནག་འདྲེས་མའི་རྡོ་ཐལ་གྱིས་བྱུགས་ངོས། །ཀུན་རྟོག་རི་མོར་འདྲི་བ་ཅི་ཞིག་མཚུངས། ། དེང་དུས་སྒོ་གསུམ་མི་དགེའི་དོ་ར་ན། །གྱ་གྱུའི་གར་མཁན་ཚུལ་འཆོས་གོས་གྱོན་པའི། ། ཆེར་རློམ་མང་བོའི་རྣམ་ཐར་འཁྱོག་པོའི་ཚིག །མཐོང་ཚེ་དཔྱོད་ལྡན་ཕལ་ཆེར་བསྟིང་ཚིག2སྨྲ། ། སྤངས་རྟོགས་ཡོན་ཏན་ནོར་བུས་གང་མིན་ཡང་། །དུག་གསུམ་བརླང་བོའི་ཆུ་སྲིན་མི་རྒྱུ་བར། ། (589)


སྐྱེད་མོས་ཚལ།

ཐུའུ་བཀྭན་བློ་བཟང་ཆོས་ཀྱི་ཉི་མ། ཡིད་འོང་སྐྱེད་ཚལ་དོ་ར་རུ། །དབྱིབས་ལེགས་མདངས་མཛེས་པད་མོའི་ཚོགས། ། ལྡེམ་ལྡེམ་གཡོ་བའི་ཟློས་གར་གྱིས། །གཟུགས་འཛིན་ཡ་མཚན་ལྟད་མོས་ངོམས། ། བྱིའུ་ཀྱུར་ཀྱུར་སྐད་འབྱིན་ཞིང། །བུང་བས་དར་དིར་གླུ་དབྱངས་ལེན། ། ཕུ་ཆུ་ལྷུང་ལྷུང་སྒྲ་སྒྲོག་པ། །སྒྲ་འཛིན་ཡུལ་དུ་སྙན་ཞིང་འཇེབས། ། (561)