Category Archives: བསླབ་བྱ།

རང་གི་སློབ་མ་ལ་ཞེ་ཐག་པ་ནས་གྲོས་འདེབས་པའི་ཡི་གེ་སྙིང་གི་ཐུར་མ།

བུ་སྟོན་རིན་ཆེན་གྲུབ། ༄༅།།སྭ་སྟི་པྲ་ཛ་བྷྱཿ བུ་སྟོན་གྱིས་རང་གི་སློབ་མ་ལ་ཞེ་ཐག་པ་ནས་གྲོས་འདེབས་པའི་ཡི་གེ་སྙིང་གི་ཐུར་མ་ཞེས་བྱ་བ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ།། གང་གིས་བསྐལ་པའི་སྐལ་པར་དཀའ་བ་དཔག་མེད་ཀྱིས། །ཚོགས་གཉིས་རབ་བསྒྲུབས་བྱང་ཆུབ་བདུད་རྩི་མཆོག་བརྙེས་ནས། །འགྲོ་བ་ཉོན་མོངས་ནས་ཀྱིས་གདུངས་པའི་གདུང་སེལ་པ། །སྨན་པའི་རྒྱལ་པོ་ཐུབ་དབང་དེ་ལ་ཕྱག་འཚལ་ལོ། །ཕྱི་ཡི་ཆ་ལུགས་དགེ་སྦྱོང་ཚུལ་ལས་མ་གཡོས་ཀྱང་། །ནང་གི་ཚུལ་ཁྲིམས་ཉོན་མོངས་དབང་གིས་རུལ་གྱུར་པ། །ཀུཥྨཎྜ་ཡི་ཤིང་ཐོག་སྨིན་པ་ལྟ་བུ་ཡི། །སྙིང་མེད་པོ་ཁྱེད་དོན་འདི་རྣམས་ལ་བསམ་མནོ་ཐོངས། ། (2)


བསླབ་བྱ་ནོར་བུའི་ཕྲེང་བ་ཞེས་བྱ་བ་བཞུགས་སོ།།

ཞང་སྟོན་བསྟན་པ་རྒྱ་མཚོ། (༡༨༢༥-༡༨༩༧) ཁོ་བོ་ཡབ་རྗེ་བླ་མ་དམ་པའི་སྲས། །གཞུང་ལུགས་མང་དུ་ཐོས་པས་བཤད་པ་ཚ། །མི་རིགས་སྣ་ཚོགས་འགྲོགས་པས་གོམས་པ་ཆེ། །དེ་ཕྱིར་སྙིང་གི་བུ་ལ་འདི་ལྟར་བཤད། །ཀུན་དང་མཐུན་པ་རྩ་བ་ཡིན་མོད་ཀྱང་། །མཐོང་ཚད་ལད་མོ་བྱས་ན་ཀླད་མེད་ཡིན། །སྐད་རིགས་ཐམས་ཅད་ཤེས་ན་བཟང་མོད་ཀྱང་། །རང་གི་ཕ་སྐད་བརྗེད་ན་ངོ་ཚ་ཡིན། །ཆ་ལུགས་ཀུན་དང་བསྟུན་ན་བཟང་མོད་ཀྱང་། །སྟོན་པའི་བཅས་པར་འགལ་ན་སྙིང་རུལ་ཡིན། །གཞན་དོན་རེམ་པ་ཡ་རབས་ཡིན་མོད་ཀྱང་། །རང་སྡུག་རང་གིས་ཉོས་ན་སྡུག་གྱོང་ཡིན། །གཞན་ལ་ཁྱད་གསོད་མེད་ན་བཟང་མོད་ཀྱང་། །བཟང་ངན་གང་བྱས་ཁྱད་མེད་གླེན་པ་ཡིན། །ནོར་ལ་ཆགས་ཞེན་མེད་ན་བཟང་མོད་ཀྱང་། །གཅིག་བཟུང་གཉིས་ཤོར་བྱས་ན་སྟོང་ཟད་ཡིན། །སྤྱི་དོན་རལ་ཆོད་མེད་ན་བཟང་མོད་ཀྱང་། །ཧ་ཅང་སེམས་ཆུང་བྱས་ན་སྐྱག་ཤོར་ཡིན། ། (1)


༄༅། །ལེགས་བཤད་འཕྲུལ་གྱི་དྲྭ་བ་བཞུགས།།

ས་སྐྱ་པཎྜི་ཏ་ཀུན་དགའ་རྒྱལ་མཚན་གྱིས་མཛད། ༄༅། །བཅོམ་ལྡན་འདས་ཐམས་ཅད་མཁྱེན་པ་ལ་ཕྱག་འཚལ་ལོ། །ཐམས་ཅད་མཁྱེན་པས་བདག་རྒྱུད་བྱིན་གྱིས་བརླབ་པ་ཡི། །བློ་གྲོས་བློ་ཆེ་བློ་ལྡན་བློ་ཡི་མཆོག་གྱུར་པ། །ཚད་མེད་བློ་ཡངས་འཕགས་པའི་ཚོགས་ལ་གུས་བཏུདེ༌། །འདི་ཕྱི་རྣམས་སུ་ལྷ་མིའི་བདེ་བ་འབྱུང་བའི་རྒྱུ། །ཀུན་ལ་ཕན་པའི་གཏམ་འདི་ནི། །འཇམ་དབྱངས་བཙུན་པས་འགྲོ་ལ་བཤད། །ཀྱེ་མ། གནའ་དུས་བཟང་པོ་ནུབ། ད་དུས་ངན་པར་ཤར། གནའ་མི་མཁས་པ་འདས། ད་མི་བླུན་པོ་སྐྱེས། ལྷ་ཆོས་དར་གྱི་མདུད་པ་གྲོལ། །མི་ཆོས་སོག་མའི་ཕོན་ཐག་ཆད། །རྒྱལ་ཁྲིམས་གསེར་གྱི་གཉའ་ཤིང་ཆག །གཙོ་བོ་གྲོས་ཀྱི་རྒྱ་མཚོ་སྐམས། །དཔའ་བོ་སྟག་གི་རི་མོ་ཡལ། །མོ་བཙུན་ངོ་ཚའི་གཡང་ལུག་བུད། །ཡ་རབས་ཀྱི་སྲོལ་མི་བསྲུང་མ་རབས་ཀྱི་སྤྱོད་པ་བསྐྱང༌། (3)


བོད་དུ་དར་བའི་ནང་པའི་གྲུབ་མཐའ་སོ་སོའི་མིང་འདོགས་ཀྱི་དཔྱད་པ།

མཛད་པ་པོ། ཚེ་ཏན་ཞབས་དྲུང་། བོད་དང་ཧོར་ཡུལ་དུ་དར་བའི་སངས་རྒྱས་བསྟན་པ་ལ་བླ་མའི་ཆོས་ལུགས་(བླ་མ་ཀྱོ་)ཞེས་འབོད་པ་མི་འཐད་པའི་ཚུལ།     དེ་ཡང་བོད་རྒྱལ་ལྷ་ཐོ་ཐོ་རི་སྙན་བཙན་གྱི་སྐུ་རིང་ལ། ཡར་ཀླུང་ཁོག་གི་ཕོ་བྲང་ཡམ་བུ་བླ་སྒང་ངམ་ཡུམ་བུ་བླ་མཁར་དུ་མདོ་སྡེ་ཟ་མ་ཏོག་དང་། དཔང་སྐོང་ཕྱག་རྒྱ། མ་ཎི་ཡི་གེ་དྲུག་མ་སོགས་ཀྱི་གླེགས་བམ་ཕྱག་ཏུ་འབྱོར་བ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་ཀྱི་བསྟན་པའི་དབུ་བརྙེས་ཞེས་པའི་ཐ་སྙད་ཆགས། བོད་རྒྱལ་སྲོང་བཙན་སྒམ་པོའི་སྐུ་རིང་ལ་ཆོས་བློན་ཐོན་མི་སམྦྷོ་ཊས་ལྷ་སའི་ཕོ་བྲང་ཕ་བོང་ཁའི་སྐུ་མཁར་མ་རུ་ཞེས་བྱ་བར་བོད་ཡིག་གསར་དུ་བཟོས་ཏེ་སྤྱན་རས་གཟིགས་ཀྱི་མདོ་རྒྱུད་ཉེར་གཅིག་སོགས་བོད་སྐད་དུ་བསྒྱུར་བ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་བསྟན་པའི་སྲོལ་གཏོད་ཅེས་པའི་ཐ་སྙད་ཆགས། བོད་རྒྱལ་ཁྲི་སྲོང་ལྡེའུ་བཙན་གྱི་སྐུ་རིང་ལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་མཁན་ཆེན་བོ་ངྷི་ས་ཏྭ་སྤྱན་དྲངས་ནས་སད་མི་མི་བདུན་རབ་ཏུ་བྱུང་ཞིང་སོ་ཐར་འདུལ་བའི་བསྟན་པ་སྤེལ། སློབ་དཔོན་པདྨ་འབྱུང་གནས་སྤྱན་དྲངས་ཏེ་རྗེ་འབངས་ཉེར་ལྔ་སོགས་ལ་གསང་སྔགས་ཟབ་མོའི་ཆོས་ཀྱི་འཁོར་ལོ་བསྐོར། ཀ་ཅོག་ཞང་གསུམ་སོགས་ལོ་ཙཱ་པ་ཆེན་པོ་རྣམས་ཀྱིས་རྒྱལ་བའི་བཀའ་དང་དགོངས་འགྲེལ་གྱི་བསྟན་བཅོས་མང་པོ་བོད་སྐད་དུ་བསྒྱུར་ནས་རྒྱལ་བའི་བསྟན་པ་རིན་པོ་ཆེ་ཉིན་མོ་ལྟར་གསལ་བར་མཛད་པ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་ཀྱི་བསྟན་པ་དར་ཞིང་རྒྱས་པར་མཛད་ཅེས་པའི་ཐ་སྙད་ཆགས་སོ། ། (426)


༄༅།།མཛད་པ་བཅུ་གཉིས་ཀྱི་ཚུལ་ལ་བསྟོད་པ་ཞེས་བྱ་བ་བཞུགས་སོ།།

སློབ་དཔོན་ཀླུ་སྒྲུབ། ༄༅། །རྒྱ་གར་སྐད་དུ། དྭཱི་ད་ཤ་ཀཱ་ར་ནཱ་མ་ན་ཡ་སྟོ་ཏྲཾ། བོད་སྐད་དུ། མཛད་པ་བཅུ་གཉིས་ཀྱི་ཚུལ་ལ་བསྟོད་པ། སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ།། གང་གིས་དང་པོར་བྱང་ཆུབ་ཐུགས་བསྐྱེད་ནས།། བསོད་ནམས་ཡེ་ཤེས་ཚོགས་གཉིས་རྫོགས་མཛད་ཅིང་།། དུས་འདིར་མཛད་པ་རྒྱ་ཆེན་འགྲོ་བ་ཡི།། མགོན་གྱུར་ཁྱོད་ལ་བདག་གིས་བསྟོད་པར་བགྱི།། (410)


ལུགས་ཟུང་གི་བསླབ་བྱ་མུ་ཐི་ལའི་འཕྲེང་བ།

༄༅། །སྨྲ་བ་ངག་གི་དབང་ཕྱུག་འཇམ་པའི་དབྱངས། །དབྱངས་ཅན་ལྷ་མོ་གཙུག་ལག་འདོད་འཇོའི་དཔལ། །དཔལ་ལྡན་ཚངས་པ་སྡེ་བཞིའི་བང་མཛོད་འཛིན། །འཛིན་མའི་མངའ་བདག་རྣམས་ཀྱིས་ཤིས་པ་སྩོལ། །ཆོས་དང་སྲིད་ཀྱི་ཚིག་དོན་ཟབ་བརླིང་སྒྲ། །སྙན་ངག་པི་ཝཾ་རྒྱུད་ཀྱིས་གླུར་བླངས་ན། །རྣམ་དཔྱོད་ལང་ཚོ་རྒྱས་པའི་ཤེས་ལྡན་རྣར། །འཇེབས་ཀྱང་ཕལ་ཆེར་ཐོས་འཛིན་ཚེར་མལ་ཉལ། །དེ་ཕྱིར་མཆོག་དམན་ཀུན་གྱིས་ལེགས་རྟོགས་པའི། །འབོལ་རྩོམ་ཚིགས་སུ་བཅད་པའི་མུ་ཐི་ལ། །ཆིང་གིས་གནམ་གྱི་རིགས་ལས་མི་བདག་མགུལ། །མཛེས་བྱེད་དོ་ཤལ་འཕྲེང་བས་རྒྱན་ཏུ་སྤུད། །དེང་དུས་རྒྱ་གར་རྒྱ་ནག་ཧོར་བོད་སོགས། །སྔོན་བྱུང་ཡ་རབས་ངང་ཚུལ་ལུགས་གཉིས་ཁྲིམས། །ཆེར་ནུབ་ངན་སྤྱོད་ངོ་སོར་ཁྱེར་དུས་འདིར། །ལེགས་པར་བཤད་ཀྱང་ཙཱུ་ཏའི་རྐང་གཉིས་བཞིན། །བྱང་བསྟན་ཕུག་པར་རྟ་ལྗང་ཅན་གྱི་ཟེར། །མི་འཇུག་དངོས་པོའི་གཤིས་ལ་བཅོས་མེད་ཀྱང༌། །ཕྱོགས་གཞན་བུག་པར་ཤར་བའི་སྣང་བ་ཡི། །འཐིབས་བུའི་སྨག་རུམ་སེལ་བ་འགའ་འབྱུང་སྙམ། །ལྷ་ཆོས་ལྟ་ཞོག་མི་ཆོས་བྱ་བཞག་ཀྱང༌། །ལམ་དུ་རྒྱུག་པ་བསོད་ནམས་ལ་རག་པས། །དཀོན་ཅོག་མཆོད་དང་ངན་སློང་སྦྱིན་གཏོང་སོགས། །ལེགས་བྱས་སྤེལ་བའི་ཚོགས་ཆེན་གསོག་པ་གནད། ། (864)


འཇིག་རྟེན་ལུགས་ཀྱི་རྗེས་སུ་འབྲང་བའི་སྙིང་གཏམ།

ཐུའུ་བཀྭན་བློ་བཟང་ཆོས་ཀྱི་ཉི་མ། བླ་མ་དཀོན་མཆོག་གསུམ་ལ་ཕྱག་འཚལ་ལོ། །རྒན་ལ་གཞོན་གྱིས་གྲོས་འདེབས་མི་རིགས་ཀྱང་། ། གཞོན་ལ་རྒན་གྱིས་ཁ་བརྡ་འོས་པའི་ཕྱིར། །འཇིག་རྟེན་ལུགས་ཀྱི་རྗེས་འབྲང་སྙིང་གཏམ་འདི། ། གཞོན་པ་རྣམས་ལ་ཕན་པའི་སེམས་ཀྱིས་འབྲི། །རང་བཞིན་བསམ་པ་དྲང་ན་བཟང་མོད་ཀྱང་། ། ཧ་ཅང་དྲང་ན་དུས་ངན་མི་རྣམས་ཀྱིས། །རྩེ་རྒོད་བྱེད་རྟེན་སྤྲང་བོའི་སྤྲེའུ་འདྲ། ། དྲང་ཚོད་རན་པར་འཛིན་པ་སྙིང་གཏམ་ཡིན། །ཁ་མཁས་སྨྲ་ལྕེ་བདེ་ན་བཟང་མོད་ཀྱང་། ། དུས་ཚོད་གནས་སྐབས་མེད་པར་ཁ་མང་ན། །རང་གི་ནང་ཉམས་བཟང་ངན་མི་ལ་སྟོན། ། (586)


༄༅། །ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་ཕྲེང་བརྒྱ་ལྡན་ཞེས་བྱ་བ་བཞུགས་སོ། །

གུང་ཐང་བསྟན་པའི་སྒྲོན་མེ། མཁྱེན་པའི་གཏིང་མཐའ་མི་མངོན་ཞིང་། །ཐུགས་རྗེའི་ཡིད་བཞིན་ནོར་གྱིས་གཏམས། ། མཛད་པའི་རླབས་ཕྲེང་གཡོ་བ་ཅན། །ཐུབ་དབང་ཆོས་ཀྱི་རྒྱ་མཚོ་རྒྱལ། ། རྙོག་བྲལ་དྭངས་པའི་ཆུ་རྒྱུན་གྱིས། །ལུས་ཅན་གདུང་བ་ཞི་བྱེད་ལྟར། ། ལེགས་བཤད་གསར་པའི་བདུད་རྩི་ཡིས། །བློ་ལྡན་སྐྱེ་བོ་དབུགས་དབྱུང་བྱ། ། (580)