Category Archives: བསླབ་བྱ།

བོད་དུ་དར་བའི་ནང་པའི་གྲུབ་མཐའ་སོ་སོའི་མིང་འདོགས་ཀྱི་དཔྱད་པ།

མཛད་པ་པོ། ཚེ་ཏན་ཞབས་དྲུང་། བོད་དང་ཧོར་ཡུལ་དུ་དར་བའི་སངས་རྒྱས་བསྟན་པ་ལ་བླ་མའི་ཆོས་ལུགས་(བླ་མ་ཀྱོ་)ཞེས་འབོད་པ་མི་འཐད་པའི་ཚུལ།     དེ་ཡང་བོད་རྒྱལ་ལྷ་ཐོ་ཐོ་རི་སྙན་བཙན་གྱི་སྐུ་རིང་ལ། ཡར་ཀླུང་ཁོག་གི་ཕོ་བྲང་ཡམ་བུ་བླ་སྒང་ངམ་ཡུམ་བུ་བླ་མཁར་དུ་མདོ་སྡེ་ཟ་མ་ཏོག་དང་། དཔང་སྐོང་ཕྱག་རྒྱ། མ་ཎི་ཡི་གེ་དྲུག་མ་སོགས་ཀྱི་གླེགས་བམ་ཕྱག་ཏུ་འབྱོར་བ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་ཀྱི་བསྟན་པའི་དབུ་བརྙེས་ཞེས་པའི་ཐ་སྙད་ཆགས། བོད་རྒྱལ་སྲོང་བཙན་སྒམ་པོའི་སྐུ་རིང་ལ་ཆོས་བློན་ཐོན་མི་སམྦྷོ་ཊས་ལྷ་སའི་ཕོ་བྲང་ཕ་བོང་ཁའི་སྐུ་མཁར་མ་རུ་ཞེས་བྱ་བར་བོད་ཡིག་གསར་དུ་བཟོས་ཏེ་སྤྱན་རས་གཟིགས་ཀྱི་མདོ་རྒྱུད་ཉེར་གཅིག་སོགས་བོད་སྐད་དུ་བསྒྱུར་བ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་བསྟན་པའི་སྲོལ་གཏོད་ཅེས་པའི་ཐ་སྙད་ཆགས། བོད་རྒྱལ་ཁྲི་སྲོང་ལྡེའུ་བཙན་གྱི་སྐུ་རིང་ལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་མཁན་ཆེན་བོ་ངྷི་ས་ཏྭ་སྤྱན་དྲངས་ནས་སད་མི་མི་བདུན་རབ་ཏུ་བྱུང་ཞིང་སོ་ཐར་འདུལ་བའི་བསྟན་པ་སྤེལ། སློབ་དཔོན་པདྨ་འབྱུང་གནས་སྤྱན་དྲངས་ཏེ་རྗེ་འབངས་ཉེར་ལྔ་སོགས་ལ་གསང་སྔགས་ཟབ་མོའི་ཆོས་ཀྱི་འཁོར་ལོ་བསྐོར། ཀ་ཅོག་ཞང་གསུམ་སོགས་ལོ་ཙཱ་པ་ཆེན་པོ་རྣམས་ཀྱིས་རྒྱལ་བའི་བཀའ་དང་དགོངས་འགྲེལ་གྱི་བསྟན་བཅོས་མང་པོ་བོད་སྐད་དུ་བསྒྱུར་ནས་རྒྱལ་བའི་བསྟན་པ་རིན་པོ་ཆེ་ཉིན་མོ་ལྟར་གསལ་བར་མཛད་པ་དེ་ལ་བརྟེན་ནས་བོད་རྒྱལ་དེའི་རིང་ལ་སངས་རྒྱས་ཀྱི་བསྟན་པ་དར་ཞིང་རྒྱས་པར་མཛད་ཅེས་པའི་ཐ་སྙད་ཆགས་སོ། ། (346)


༄༅།།མཛད་པ་བཅུ་གཉིས་ཀྱི་ཚུལ་ལ་བསྟོད་པ་ཞེས་བྱ་བ་བཞུགས་སོ།།

སློབ་དཔོན་ཀླུ་སྒྲུབ། ༄༅། །རྒྱ་གར་སྐད་དུ། དྭཱི་ད་ཤ་ཀཱ་ར་ནཱ་མ་ན་ཡ་སྟོ་ཏྲཾ། བོད་སྐད་དུ། མཛད་པ་བཅུ་གཉིས་ཀྱི་ཚུལ་ལ་བསྟོད་པ། སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ།། གང་གིས་དང་པོར་བྱང་ཆུབ་ཐུགས་བསྐྱེད་ནས།། བསོད་ནམས་ཡེ་ཤེས་ཚོགས་གཉིས་རྫོགས་མཛད་ཅིང་།། དུས་འདིར་མཛད་པ་རྒྱ་ཆེན་འགྲོ་བ་ཡི།། མགོན་གྱུར་ཁྱོད་ལ་བདག་གིས་བསྟོད་པར་བགྱི།། (332)


ལུགས་ཟུང་གི་བསླབ་བྱ་མུ་ཐི་ལའི་འཕྲེང་བ།

༄༅། །སྨྲ་བ་ངག་གི་དབང་ཕྱུག་འཇམ་པའི་དབྱངས། །དབྱངས་ཅན་ལྷ་མོ་གཙུག་ལག་འདོད་འཇོའི་དཔལ། །དཔལ་ལྡན་ཚངས་པ་སྡེ་བཞིའི་བང་མཛོད་འཛིན། །འཛིན་མའི་མངའ་བདག་རྣམས་ཀྱིས་ཤིས་པ་སྩོལ། །ཆོས་དང་སྲིད་ཀྱི་ཚིག་དོན་ཟབ་བརླིང་སྒྲ། །སྙན་ངག་པི་ཝཾ་རྒྱུད་ཀྱིས་གླུར་བླངས་ན། །རྣམ་དཔྱོད་ལང་ཚོ་རྒྱས་པའི་ཤེས་ལྡན་རྣར། །འཇེབས་ཀྱང་ཕལ་ཆེར་ཐོས་འཛིན་ཚེར་མལ་ཉལ། །དེ་ཕྱིར་མཆོག་དམན་ཀུན་གྱིས་ལེགས་རྟོགས་པའི། །འབོལ་རྩོམ་ཚིགས་སུ་བཅད་པའི་མུ་ཐི་ལ། །ཆིང་གིས་གནམ་གྱི་རིགས་ལས་མི་བདག་མགུལ། །མཛེས་བྱེད་དོ་ཤལ་འཕྲེང་བས་རྒྱན་ཏུ་སྤུད། །དེང་དུས་རྒྱ་གར་རྒྱ་ནག་ཧོར་བོད་སོགས། །སྔོན་བྱུང་ཡ་རབས་ངང་ཚུལ་ལུགས་གཉིས་ཁྲིམས། །ཆེར་ནུབ་ངན་སྤྱོད་ངོ་སོར་ཁྱེར་དུས་འདིར། །ལེགས་པར་བཤད་ཀྱང་ཙཱུ་ཏའི་རྐང་གཉིས་བཞིན། །བྱང་བསྟན་ཕུག་པར་རྟ་ལྗང་ཅན་གྱི་ཟེར། །མི་འཇུག་དངོས་པོའི་གཤིས་ལ་བཅོས་མེད་ཀྱང༌། །ཕྱོགས་གཞན་བུག་པར་ཤར་བའི་སྣང་བ་ཡི། །འཐིབས་བུའི་སྨག་རུམ་སེལ་བ་འགའ་འབྱུང་སྙམ། །ལྷ་ཆོས་ལྟ་ཞོག་མི་ཆོས་བྱ་བཞག་ཀྱང༌། །ལམ་དུ་རྒྱུག་པ་བསོད་ནམས་ལ་རག་པས། །དཀོན་ཅོག་མཆོད་དང་ངན་སློང་སྦྱིན་གཏོང་སོགས། །ལེགས་བྱས་སྤེལ་བའི་ཚོགས་ཆེན་གསོག་པ་གནད། ། (743)


འཇིག་རྟེན་ལུགས་ཀྱི་རྗེས་སུ་འབྲང་བའི་སྙིང་གཏམ།

ཐུའུ་བཀྭན་བློ་བཟང་ཆོས་ཀྱི་ཉི་མ། བླ་མ་དཀོན་མཆོག་གསུམ་ལ་ཕྱག་འཚལ་ལོ། །རྒན་ལ་གཞོན་གྱིས་གྲོས་འདེབས་མི་རིགས་ཀྱང་། ། གཞོན་ལ་རྒན་གྱིས་ཁ་བརྡ་འོས་པའི་ཕྱིར། །འཇིག་རྟེན་ལུགས་ཀྱི་རྗེས་འབྲང་སྙིང་གཏམ་འདི། ། གཞོན་པ་རྣམས་ལ་ཕན་པའི་སེམས་ཀྱིས་འབྲི། །རང་བཞིན་བསམ་པ་དྲང་ན་བཟང་མོད་ཀྱང་། ། ཧ་ཅང་དྲང་ན་དུས་ངན་མི་རྣམས་ཀྱིས། །རྩེ་རྒོད་བྱེད་རྟེན་སྤྲང་བོའི་སྤྲེའུ་འདྲ། ། དྲང་ཚོད་རན་པར་འཛིན་པ་སྙིང་གཏམ་ཡིན། །ཁ་མཁས་སྨྲ་ལྕེ་བདེ་ན་བཟང་མོད་ཀྱང་། ། དུས་ཚོད་གནས་སྐབས་མེད་པར་ཁ་མང་ན། །རང་གི་ནང་ཉམས་བཟང་ངན་མི་ལ་སྟོན། ། (562)


༄༅། །ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་ཕྲེང་བརྒྱ་ལྡན་ཞེས་བྱ་བ་བཞུགས་སོ། །

གུང་ཐང་བསྟན་པའི་སྒྲོན་མེ། མཁྱེན་པའི་གཏིང་མཐའ་མི་མངོན་ཞིང་། །ཐུགས་རྗེའི་ཡིད་བཞིན་ནོར་གྱིས་གཏམས། ། མཛད་པའི་རླབས་ཕྲེང་གཡོ་བ་ཅན། །ཐུབ་དབང་ཆོས་ཀྱི་རྒྱ་མཚོ་རྒྱལ། ། རྙོག་བྲལ་དྭངས་པའི་ཆུ་རྒྱུན་གྱིས། །ལུས་ཅན་གདུང་བ་ཞི་བྱེད་ལྟར། ། ལེགས་བཤད་གསར་པའི་བདུད་རྩི་ཡིས། །བློ་ལྡན་སྐྱེ་བོ་དབུགས་དབྱུང་བྱ། ། (543)


རི་དྭགས་ཀྱི་གཏམ་ངེས་འབྱུང་གི་ཕོ་ཉ།

༄༅། །རང་བྱུང་རིག་པའི་ལྷ་ལ་ཕྱག་འཚལ་ལོ། །དེ་ཡང་འདི་ལྟ་སྟེ། བག་ཆགས་སྲིད་པའི་གྲོང་ཁྱེར་ཞེས་བྱ་བའི་ཡུལ་ལྗོངས་ན་རི་དྭགས་ཀྱི་དེད་དཔོན་རིགས་པའི་ཟླ་བ་ཞེས་བྱ་བ་ལ་འཁོར་རི་དྭགས་ཀྱི་ཚོགས་ཤིན་ཏུ་མང་པོས་བསྐོར་ནས་ལྗོངས་དཔག་ཏུ་མེད་པར་རྒྱུ་ཞིང་རྩེ་བ་ལས། དུས་རེ་ཞིག་གི་ཚེ་དེད་དཔོན་རིགས་པའི་ཟླ་བས་སྨྲས་པ། ཀྱེ་མ་རི་དྭགས་ཀྱི་ཚོགས་རྣམས་ཁོ་བོའི་ངག་ལ་ཉོན་དང༌། འོ་སྐོལ་རྣམས་ལ་རྩྭ་ཆུ་བཟང་པོ་དོན་དུ་གཉེར་བ་དང། རྩེ་ཞིང་དགའ་མགུ་སྤྱོད་པ་ཙམ་ལས་གཞན་ལས་ཀྱི་སྙིང་པོ་ཅི་ཡང་མི་གདའ། དེ་ལྟ་ནའང་བུང་བ་རྣམས་བཅུད་ལ་ཧ་ཅང་ཆགས་པས་སྲོག་འདོར་བ་བཞིན་རང་ཅག་རྣམས་ཀྱང་སྤང་ལྗོངས་དང༌། ནེའུ་གསིང་གི་བཅུད་ལ་ཆགས་ན་རིགས་ངན་གྱི་རྔོན་པ་ངོ་ཚ་དང་ཁྲེལ་གྱི་གོས་དང་བྲལ་བ་འགའ་ཞིག་དང་འཕྲད་ནས་ཚེ་སྲོག་གློ་བུར་དུ་འདོར་བའི་ཉེན་ཡོད་པས་རྩྭ་ཆུའི་འཚོ་བས་བརྟེན་ཐུབ་ཙམ་པའི་རྫ་ཁྲོད་དབེན་སར་བྲོས་ཏེ་བཙན་ས་འཛིན་པར་འཐད་དོ། །ཞེས་སྨྲས་པ་ན། དེའི་ཁྲོད་ན་རི་དྭགས་འདོད་པའི་ཁྱུ་མཆོག་ཅེས་བྱ་བ་སྒྱུ་རྩལ་དང་མིག་འཕྲུལ་ལ་ཆགས་པ་ཞིག་ཡོད་པ་འདི་སྐད་དུ། (767)


བསླབ་བྱ་ནོར་བུ་གླིང་དུ་བགྲོད་པའི་ལམ་ཡིག

གུང་ཐང་བསྟན་པའི་སྒྲོན་མེ། སྐྱེ་བར་བཏགས་པས་མངོན་རློམ་ཚངས་པ་དང། །ཁེངས་དྲེགས་འབྱོར་བས་གཡེང་བའི་འདོད་ལྷའི་རིགས། ། མ་ཡིན་བློ་གསལ་ཚུན་མཐུན་དོན་གཉེར་ཅན། །སློབ་གཉེར་ཚུལ་བཞིན་བྱེད་པར་འདོད་རྣམས་ལ། ། གདམས་ངག་ཅུང་ཟད་སྦྱིན་ནོ་ཉོན་ཅིག་ཨང། ། དལ་བའི་རྟེན་ཐོབ་རྒྱལ་བའི་བསྟན་དང་མཇལ། །མཚན་ལྡན་བཤེས་དང་ཆོས་མཐུན་གྲོགས་ཀྱིས་བསྐྱངས། ། མཐུན་རྐྱེན་རྟེན་འབྲེལ་འཛོམས་པ་འདི་འདྲ་བ། །ཡང་ཡང་རྙེད་པར་དཀའ་ལ་དོན་ཆེ་བས། ། ཕྱི་བཤོལ་སྤངས་ཏེ་སྙིང་པོ་ལོངས་ཤིག་ཨང། ། ལས་ཀྱིས་བསྡུས་པའི་ཕ་ཡུལ་ཉེ་དུ་ཀུན། །བཞག་སྟེ་རྒྱང་རིང་ཡུལ་དུ་སོང་ན་ཡང། ། རྒྱུས་མེད་ཡུལ་ནས་དོན་མེད་མཛའ་བཤེས་སོགས། །བསྡུས་ཏེ་རྣམ་གཡེང་བྱེད་པ་སྨྱོན་པ་ཡིན། ། འོང་དོན་ཐོས་བསམ་ལས་ལ་སྒྲིམས་ཤིག་ཨང། ། (608)


ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱ།

    ཁ་ཆེ་ཕ་ལུ་ནི་བོད་ཀྱི་ས་ཕྱོགས་གང་སར་ཁྱབ་གདལ་ཤིན་ཏུ་ཆེ་བའི་བསླབ་གདམས་ཕུལ་དུ་བྱུང་བ་ཞིག་ཡིན། དེའི་རྩོམ་པ་པོའི་སྐོར་ལ་ད་བར་བཤད་སྲོལ་མང་དུ་མཆིས་ཏེ། འགའ་རེས་བསྟན་བཅོས་དེ་༸ཀུན་གཟིགས་པཎ་ཆེན་སྐུ་ཕྲེང་བདུན་པ་བསྟན་པའི་ཉི་མས་མཛད་ཅེས་དང༌། ཡང་འགའ་རེས་དེ་ནི་ཁ་ཆེའི་ཡུལ་ནས་བོད་དུ་དར་བ་ཡིན་ཚུལ་སོགས་མང་དུ་གསུངས། འདིར་བསྟན་བཅོས་ཀྱི་རྩོམ་པ་པོའི་སྐོར་ལ་དཔྱད་པ་ (792)