སློབ་མའི་ཡིག་གཟུགས་འགྲན་བསྡུར།

ཕྱི་ལོ་ ༢༠༡༡ ལོའི་ཕུལ་བྱུང་བོད་ཡིག་ཡིག་གཟུགས་བྱ་དགའི་ལས་རིམ་ལག་བསྟར་གནང་ཕྱོགས་སྒྲིག་གཞི་གཤམ་གསལ།

༡། སྔོན་འགྲོའི་འདེམས་སྒྲུག་གི་བྱེད་སྒོ།

༡་༡         སློབ་གྲྭ་སོ་སོའི་བོད་དགེ་ཚང་མ་སྡེ་ཚན་སོ་སོའི་ཚོགས་ཆུང་གི་ཚོགས་མི་ཡིན་དགོས།
 ༡་༢        ལོ་རེར་ཤེས་ལས་ནས་ཡིག་གཟུགས་ཀྱི་གསལ་བསྒྲགས་འབྱོར་མ་ཐག་འཛིན་གྲྭ་སོ་སོའི་བོད་དགེ་རྣམས་ཀྱིས་ཡིག་གཟུགས་འགྲན་བསྡུར་གོ་སྒྲིག་ཞུས་ཏེ་འཛིན་གྲྭ་རེ་རེ་ནས་སློབ་མ་རྩེ་ཕུད་ ༥ རེ་འདེམས་སྒྲུག་གིས་ཡིག་གཟུགས་ཚོགས་ཆུང་ལ་འབུལ་དགོས།
༡་༣    འདེམས་སྒྲུག་ཚོགས་ཆུང་སོ་སོས་འཛིན་རིམ་སོ་སོའི་ཡིག་གཟུགས་རྩེ་ཕུད་གསུམ་རེ་འདེམས་རྗེས། སློབ་ཕྲུག་དེ་དག་གི་མིང་གཞུང་དང་འཛིན་གྲྭ་བཅས་སློབ་གྲྭའི་སློབ་སྤྱིའམ་རེག་ཊར། ཡང་ན་དགེ་ཆེ་བཅས་ལ་བདུན་ཕྲག་གཅིག་གི་ནང་ཕུལ་ཟིན་པ་དགོས།
༡་༤    ཟླ་ ༩ མ་ཟིན་གོང་ཕུལ་བྱུང་སློབ་མའི་བྲིས་ཤོག་ཁག་ཤེས་ལས་སུ་འབྱོར་ཚར་བ་དགོས།

༢།  འགྲན་བསྡུར་ལ་རྟོག་ཞིབ་གནང་མིའི་ཡོང་ཁོངས།

 ༢་༡  མཐའ་མའི་སློབ་ཕྲུག་རྩེ་ཕུད་རྣམས་ཀྱི་འགྲན་བསྡུར་ལ་རྟོག་ཞིབ་གནང་མཁན་ཁོངས།
    ས་གནས་འགོ་འཛིན་ལས་ཁང་གི་སྐུ་ཚབ་ ༡ དང༌། དགེ་རྒན་ཕ་མའི་ཚོགས་ཆུང་གི་འཐུས་མི་ ༡ སློབ་གྲྭའི་སློབ་སྤྱིའམ་རེག་ཊར། དགེ་ཆེ་གང་རུང་གཅིག་བཅས་ནས་རྟོག་ཞིབ་དགོས་རྒྱུ།

༣ ཡིག་གཟུགས་ཀྱི་དངོས་གཞིའི་འདེམས་སྒྲུག

༣་༡      ཤེས་རིག་གིས་གསལ་བསྒྲགས་བསྐྱངས་པའི་ནང་དུས་ཚོད་གཏན་འཁེལ་གནང་བའི་ཡིག་གཟུགས་འགྲན་བསྡུར་གྱི་ཉིན་མོ་དེར། སྔོན་འགྲོའི་འདེམས་སྒྲུག་ལས་ཐོན་པའི་སློབ་ཕྲུག་དང༌། རྟོག་ཞིབ་ཚོགས་མི་ཚང་འཛོམས་ཀྱི་མདུན་སར། ཤེས་རིག་ལས་ཁུངས་ནས་སྦྲག་གཏོང་བྱས་པའི་ཡིག་གཟུགས་འགྲན་བསྡུར་གྱི་མ་དཔེ་ཐུམ་སྒྲིལ་དེ་ཁ་ཕྱེ་དགོས།
༣་༢   ཡིག་གཟུགས་འགྲན་བསྡུར་གྱི་དུས་ཡུན་ཆུ་ཚོད་ ༢ ལས་མང་མི་ཆོག
༣་༣   ཡིག་གཟུགས་འབྲི་སའི་ཤོག་བུའི་ཆ་ཚད་ A4ཡིན་དགོས།
༣་༤   ཞ་སྨྱུག་དང་སྣུམ་སྨྱུག་གིས་ཡིག་གཟུགས་འབྲི་མི་ཆོག
༣་༥    ཡིག་གཟུགས་འགྲན་བསྡུར་དུ་བེད་སྤྱོད་གཏོང་རྒྱུའི་ཤོག་བུའི་སྟེང་སློབ་གྲྭ་སོ་སོའི་ལས་ཐམ་དང་ཚོགས་མིའི་མཚན་རྟགས་ངེས་པར་དུ་བཀོད་དགོས། ལས་ཐམ་དང་ཚོགས་མིའི་མཚན་རྟགས་མེད་ཚེ་ཤེས་ལས་ནས་ངོས་འཛིན་ཞུ་རྒྱུ་མིན།
༣་༦    འགྲན་བསྡུར་དུས་ཡུན་རྫོགས་འཕྲལ་སློབ་ཕྲུག་གི་ཡིག་གཟུགས་ཤོག་ལྡེབ་རྣམས་ཐུམ་སྒྲིལ་བརྒྱབ་སྟེ་ཐུམ་སྒྲིལ་ཐོག་རྟོག་ཞིབ་གནང་མི་ཡོངས་ཀྱི་ས་རྟགས་དང་སློབ་གྲྭའི་རྟགས་ཐམ་འཁོད་ནས་དུས་ཚེས་དེ་རང་ལ་ཤེས་ལས་སུ་དེབ་བཀོད་སྦྲག་གཏོང་(Registered Parcel)གནང་དགོས།
༣་༧     གལ་སྲིད་དམིགས་བསལ་རྒྱུ་མཚན་དབང་གི་ཐུམ་སྒྲིལ་རྣམས་དེ་ཉིན་སྦྲག་གཏོང་མ་ཐུབ་ཚེ། རྒྱུ་མཚན་ཞིབ་འཁོད་ཀྱི་གནས་བྲིས་ཐོག་རྟོག་ཞིབ་གནང་མི་ཡོངས་ཀྱི་ས་རྟགས་འཁོད་དེ་ཤེས་རིག་ལས་ཁུངས་སུ་གཏོང་དགོས།

༤། འགྲན་བསྡུར་ནང་འཛུལ་ཞུགས་གནང་མཁན།

ཀ།    ཡིག་གཟུགས་འགྲན་བསྡུར་འདིའི་ཁོངས་རྒྱ་བལ་གཉིས་ཀྱི་བཙན་བྱོལ་བོད་མིའི་གཞི་རིམ་སློབ་གྲྭ་ཡོངས་རྫོགས་ཚུད་ཡོད་ཅིང༌། འགྲན་བསྡུར་ཁྲོད་འཛིན་རིམ་སོ་སོའི་ཡིག་གཟུགས་རིགས་ཚན་གཤམ་གསལ།

སྡེ་ཚན། འཛིན་གྲྭ ཡིག་གཟུགས་འབྲི་དཔེ། མི་གྲངས།
འཛིན་རིམ་དང་པོ། ཚུགས་རིང༌།
འཛིན་རིམ་གཉིས་པ། ཚུགས་རིང༌།
འཛིན་རིམ་གསུམ་པ། ཚུགས་ཐུང༌།
འཛིན་རིམ་བཞི་པ། ཚུགས་ཐུང༌།
འཛིན་རིམ་ལྔ་པ། ཡིག་ཆུང༌།
འཛིན་རིམ་དྲུག་པ། ཡིག་ཆུང༌།
འཛིན་རིམ་བདུན་པ། ཚུགས་མ་འཁྱུག
འཛིན་རིམ་བརྒྱད་པ། ཚུགས་མ་འཁྱུག
འཛིན་རིམ་དགུ་པ། ཚུགས་མ་འཁྱུག
༡༠ འཛིན་རིམ་བཅུ་པ། ཚུགས་མ་འཁྱུག
༡༡ འཛིན་རིམ་བཅུ་གཅིག འཁྱུག་ཡིག

༡༢

འཛིན་རིམ་བཅུ་གཉིས།

འཁྱུག་ཡིག

བདམས་ཐོན་བྱུང་བའི་ཡིག་གཟུགས་ཁག

ཕྱི་ལོ་༢༠༠༧ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༠༨ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༠༩ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༡༠ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༡༡ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༡༢ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།
ཕྱི་ལོ་༢༠༡༣ ལོའི་རྒྱལ་ཡོངས་ཡིག་གཟུགས་འགྲན་སྡུར་ནང་བྱ་དགའ་ཐོབ་པའི་ཡིག་གཟུགས།

(17596)