ཤེས་རིག་ལས་ཁུངས་ཀྱི་ལས་དོན་ཐག་གཅོད་བྱེད་ཕྱོགས།

ཐོག་མར་ཤེས་རིག་ལས་ཁུངས་གསར་འཛུགས་སྐབས་ལས་བྱེད་བཅུ་སྐོར་ལས་མེད་ཅིང༌། ལས་དོན་ཤིན་ཏུ་གལ་ཆེ་རྣམས་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་འཆར་འབུལ་ཕྱག་རྟགས་དགོངས་དོན་གཞི་བཟུང་ངམ། ྋགོང་ས་མཆོག་ནས་ཐད་ཀར་བཀའ་སློབ་ལམ་སྟོན་ཕེབས་དགོངས་བཞིན་ཞུ་བ་དང༌། དེ་མིན་ལས་དོན་གནད་ཆེ་རྣམས་ཤེས་རིག་བཀའ་བློན་གྱིས་བཀའ་ཤག་ལྷན་རྒྱས་དང་བཀའ་གྲོས་ཀྱིས་ཐག་གཅོད་བྱེད། རྒྱུན་ལྡན་ལས་དོན་རྣམས་བཀའ་བློན་དང་བཀའ་བློན་ལས་རོགས། དྲུང་ཆེ་སོགས་བཀའ་བསྡུར་གྱིས་ཐག་གཅོད་དང༌། ཕྱི་ལོ་ཆིག་སྟོང་དགུ་བརྒྱ་དྲུག་ཅུ་རེ་གྲངས་ནང་ཟླ་དྲུག་ལས་བསྡོམས་ཚོགས་ཆེན་རིམ་པ་དང༌། བདུན་ཅུ་དོན་གྲངས་ནང་ལོ་འཁོར་ལས་བསྡོམས་ཚོགས་ཆེན་རིམ་པ། དེ་བཞིན་རྒྱུན་ལས་ཚོགས་འདུ་སོགས་ཀྱི་སྐབས་ཤེས་རིག་དང་འབྲེལ་བའི་ཐག་གཅོད་ཁག་ཀྱང་གལ་ཆེའི་ཐག་གཅོད་དུ་བརྩིས་ཏེ་ལག་བསྟར་བྱེད་པ་དང༌། ལྷག་པར་ཕྱི་ལོ་༡༩༦༤ ནས་ད་བར་ཤེས་རིག་ཚོགས་ཆེན་སྔ་རྗེས་ཐེངས་ལྔ་འཚོགས་པའི་གྲོས་ཆོད་རྣམས་ལ་གཙིགས་འཛིན་གྱིས་ཕྱག་བསྟར་གནང་སྲོལ་ཡོད།

ཕྱི་ལོ་ ༢༠༠༥ བཞུགས་སྒར་གངས་སྐྱིད་དུ་སློབ་གྲྭ་ཁག་གི་འཛིན་སྐྱོང་ཚོགས་ཆེན་སྐབས་བཀའ་བློན་ཁྲི་པ་མཆོག་གིས་བཀའ་ཤག་ལྷན་ཚོགས་ཁང་ནང་ཚོགས་ཆུང་ཞིག་གི་དབུ་བཞུགས་གནང་བཞིན་པ། གཡས་ནས་བརྩིས། ༡༽ བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ། ༢༽ རྡོར་གླིང་སློབ་སྤྱི་བཀྲ་ཤིས་དོན་གྲུབ། ༣༽ ཧོན་སུར་སློབ་དགེ་ངག་དབང་ཆོས་གྲགས། ༤༽ བྷེལ་ཀོབ་སློབ་སྤྱི་ཐར་ལམ་སྒྲོལ་མ། ༥༽ སུ་ཇ་བོད་ཁྱིམ་འགན་འཛིན་དངོས་གྲུབ་དབང་འདུད། ༦༽ བོད་ཁྱིམ་དགེ་འོས་སློབ་སྤྱི་པདྨ་དབྱངས་སྒྲོན། ༧༽ ལ་དྭགས་བོད་ཁྱིམ་འགན་འཛིན་ཚེ་རིང་དཔལ་ལྡན། ༧༽ མིག་ཤེལ་ཅན་དེ་སུ་ཡིན་ངོ་མ་ཆོད།ཕྱི་ལོ་ ༢༠༠༥ བཞུགས་སྒར་གངས་སྐྱིད་དུ་སློབ་གྲྭ་ཁག་གི་འཛིན་སྐྱོང་ཚོགས་ཆེན་སྐབས་བཀའ་བློན་ཁྲི་པ་མཆོག་གིས་བཀའ་ཤག་ལྷན་ཚོགས་ཁང་ནང་ཚོགས་ཆུང་ཞིག་གི་དབུ་བཞུགས་གནང་བཞིན་པ། གཡས་ནས་བརྩིས། ༡༽ བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ། ༢༽ རྡོར་གླིང་སློབ་སྤྱི་བཀྲ་ཤིས་དོན་གྲུབ། ༣༽ ཧོན་སུར་སློབ་དགེ་ངག་དབང་ཆོས་གྲགས། ༤༽ བྷེལ་ཀོབ་སློབ་སྤྱི་ཐར་ལམ་སྒྲོལ་མ། ༥༽ སུ་ཇ་བོད་ཁྱིམ་འགན་འཛིན་དངོས་གྲུབ་དབང་འདུད། ༦༽ བོད་ཁྱིམ་དགེ་འོས་སློབ་སྤྱི་པདྨ་དབྱངས་སྒྲོན། ༧༽ ལ་དྭགས་བོད་ཁྱིམ་འགན་འཛིན་ཚེ་རིང་དཔལ་ལྡན། ༧༽ མིག་ཤེལ་ཅན་དེ་སུ་ཡིན་ངོ་མ་ཆོད།

ཕྱི་ལོ་ཆིག་སྟོང་དགུ་བརྒྱ་དྲུག་ཅུ་རེ་གྲངས་ནང་མཁས་པ་གདན་ཞུས་ཀྱིས་སློབ་སྟོན་ཞུ་བ་དང༌། ་བདུན་ཅུ་དོན་གྲངས་ནང་ཤེས་རིག་གྲོས་འདྲི་ལྷན་ཚོགས། དགུ་བཅུ་གོ་གྲངས་ནང་ཤེས་ཡོན་སློབ་སྟོན་ཚོགས་ཆུང་སོགས་ཕྱི་ནང་གི་ཤེས་ཡོན་ཐད་ཤེས་མྱོང་གཉིས་ལྡན་གྱི་མི་སྣ་བསྐོ་འཛུགས་ཀྱིས་དུས་ནས་དུས་སུ་ཤེས་ཡོན་དང་འབྲེལ་བའི་བཀའ་སློབ་ལམ་སྟོན་ཞུས་པའང་བྱུང་ཞིང༌། དེ་མིན་སློབ་དེབ་ལྟ་བུར་མཚོན་ན། སློབ་གྲྭ་ཁག་གི་དགེ་རྒན་དང་ལས་བྱེད། སློབ་ཕྲུག་བཅས་པའི་བསམ་འཆར་བསྡུས་པའི་རྨང་གཞིའི་ཐོག་ཆེད་འཛུགས་སློབ་དེབ་བསྐྱར་ཞིབ་ཚོགས་ཆུང་གིས་སློབ་དེབ་ལ་སྣོན་འཕྲི་བསྐྱར་བཅོས་ཇི་དགོས་གནང་གི་ཡོད།
ཕྱི་ལོ་ ༡༩༩༨ ནས་ཤེས་རིག་གི་སྡེ་ཚན་ཁག་གི་འགན་འཛིན་ཡན་ཡོད་པའི་འཛིན་སྐྱོང་ལྷན་ཚོགས་ཀྱིས་གལ་ཆེའི་གནད་དོན་ཁག་བཀའ་བསྡུར་ཐག་གཅོད་གནང་གི་ཡོད་པ་དང༌། དེས་ཐག་མ་ཆོད་པའི་རིགས་གོང་རིམ་བཀའ་ཤག་ལ་སྙན་གསན་གྱིས་ཐག་གཅོད་གནང་གི་ཡོད། ཡང་ལོ་རེར་ཤེས་རིག་ནང་ཉུང་མཐར་ཤེས་རིག་ལས་བྱེད་ཡོངས་རྫོགས་བཞུགས་མོལ་ཚོགས་འདུ་ཐེངས་གཉིས་ལས་མི་ཉུང་བ་གནང་གི་ཡོད་པ་དེའི་ཐོག་ལས་བྱེད་ཀྱི་དགོངས་འཆར་ཇི་ཡོད་བསྡུ་རུབ་གནང་གི་ཡོད།
ཕྱི་རྒྱལ་དུ་སློབ་སྦྱོང་ཆེད་བོད་མི་འདེམས་གཏོང་གི་བྱེད་སྒོ་ཡོངས་རྫོགས་ཆེས་མཐོའི་སློབ་ཡོན་ཚོགས་ཆུང་གིས་སྒྲིག་གཞི་ཟུར་ཡོད་ལྟར་ཐག་གཅོད་གནང་གི་ཡོད་ཅིང༌། དེ་མིན་རྒྱ་གར་ནང་གི་མཐོ་སློབ་སློབ་ཡོན་བགོ་འགྲེམས་ཀྱི་ལས་དོན་རྣམས་ཤེས་རིག་སློབ་ཡོན་ཚོགས་ཆུང་གིས་སྒྲིག་གཞི་གཞི་བཟུང་ཐག་གཅོད་བྱེད།
རྒྱ་གར་དབུས་བོད་སློབ་འཛིན་སྐྱོང་ཚོགས་པའི་ལས་དོན་གནད་ཆེ་ཁག་ཚོགས་པའི་འགན་འཛིན་ལྷན་ཚོགས་ཀྱིས་ཐག་གཅོད་བྱེད་ཅིང༌། ལྷན་ཚོགས་དེའི་ནང་ྋགོང་ས་ྋསྐྱབས་མགོན་ཆེན་པོས་དམིགས་འཛུགས་གནང་བའི་ཚོགས་མིའི་ངོ་བོར་ད་ལྟའི་བཀའ་བློན་ཁྲི་པ་ཟམ་གདོང་རིན་པོ་ཆེ་དང༌། ཤེས་རིག་བཀའ་བློན། ཤེས་རིག་དྲུང་ཆེ། ལྡི་ལི་སྐུ་ཚབ་དོན་གཅོད་བཅས་བཞི་ཡོད།
ཤེས་རིག་ཁྱབ་ཁོངས་སཾ་བྷོ་ཊ་བོད་སློབ་སྤྱི་ཁྱབ་ཡིག་ཚང་དང༌། ཤེས་རིག་པར་ཁང་གི་དངུལ་རྩིས་དང་ལས་དོན་གནད་ཆེ་ཁག་སྒྲིག་འཛུགས་དེ་གཉིས་ཀྱི་འགན་འཛིན་ལྷན་ཚོགས་ཀྱིས་ཐག་གཅོད་བྱེད་ཅིང༌། འགན་འཛིན་ལྷན་ཚོགས་ཀྱི་ཚོགས་གཙོ་དང་ཚོགས་གཞོན་ནི་རིམ་པ་བཞིན་ཤེས་རིག་བཀའ་བློན་མཆོག་དང་དྲུང་ཆེ་རྣམ་གཉིས་ཡིན། དྷ་ས་བོད་ཕྲུག་ཁྱིམ་སྡེ་དང༌། མ་སུ་རི་བོད་ཁྱིམ་གྱི་ལས་དོན་གལ་ཆེ་ཁག་དེ་གཉིས་སོ་སོའི་འགན་འཛིན་ལྷན་ཚོགས་ཀྱིས་ཐག་གཅོད་གནང་གི་ཡོད་ཅིང༌། འགན་འཛིན་ལྷན་ཚོགས་ཀྱི་ཁོངས་སུ་ཤེས་རིག་དྲུང་ཆེ་ཡོད། བལ་ཡུལ་སློབ་ཁག་གི་ལས་དོན་རྣམས་ཕྱི་ལོ་ཆིག་སྟོང་དགུ་བརྒྱ་བརྒྱད་ཅུ་གྱ་གྲངས་ནང་བལ་ཡུལ་ཤེས་རིག་ལས་འཛིན་དང་བལ་ཡུལ་གངས་ཅན་བདེ་རྩའི་དྲུང་ཆེ་གཙོ་གྱུར་འབྲེལ་ཐོགས་རྣམས་ལྷན་འཛོམས་ཀྱིས་ཐག་གཅོད་བྱེད་ཅིང༌། ༡༩༩༠ གོ་གྲངས་ནང་གནད་དོན་གལ་ཆེ་ཁག་བལ་ཡུལ་ཆེས་མཐོའི་ཤེས་ཡོན་ལྷན་ཚོགས་ཀྱིས་ཐག་གཅོད་གནང་གི་ཡོད་ཅིང༌། ལྷན་ཚོགས་དེའི་ནང་ཤེས་རིག་བཀའ་བློན་མཆོག་དང་དྲུང་ཆེ་གཉིས་ཀ་ཡོད། ཉེ་ལམ་བལ་ཡུལ་ནང་ཆབ་སྲིད་ཀྱི་འགྱུར་བ་ཆེན་པོ་སོང་སྟབས་གོང་གསལ་ལྷན་ཚོགས་དང་བལ་ཡུལ་ཤེས་རིག་ལས་འཛིན་གཉིས་ཀ་རིམ་པས་མེད་པར་གྱུར་ཅིང༌། ཤེས་རིག་གིས་བཀོད་ཁྱབ་དང་ཐག་གཅོད་གནང་དགོས་ཁག་བལ་ཡུལ་གངས་ཅན་བདེ་རྩ་བརྒྱུད་དེ་གནང་གི་ཡོད།
དེ་མིན་ལས་དོན་བྱེ་བྲག་པའི་ཐོག་ཐག་གཅོད་གསར་པ་བྱེད་དགོས་བྱུང་ཚེ། དོན་གནད་དེའི་ཐད་མྱོང་རྒྱུས་དང་ཤེས་ཚད་ལྡན་པའི་ཚོགས་ཆུང་གསར་འཛུགས་ཀྱིས་ཞིབ་འཇུག་དང་གྲོས་བསྡུར་གྱིས་རྒྱབ་གཉེར་བྱུང་བའི་སྙན་ཐོར་ཤེས་རིག་བཀའ་བློན་དང་དྲུང་ཆེའམ། དགོས་གལ་མཆིས་ཚེ་བཀའ་ཤག་ནས་ཐུགས་ཞིབ་ཀྱིས་ཐག་གཅོད་གནང་གི་ཡོད།
སྤྱིར་བཏང་ལས་དོན་གྱི་རིམ་པ་ནི། བཀའ་བློན་གྱི་འོག་ཏུ་དྲུང་ཆེ་དང༌། དྲུང་ཆེའི་འོག་ཏུ་སྡེ་ཚན་ཁག་གི་འགན་འཛིན། སྡེ་ཚན་ཁག་གི་འགན་འཛིན་འོག་ཏུ་ཚན་པའི་འགན་འཛིན། ཚན་པའི་འགན་འཛིན་འོག་ཏུ་འབྲེལ་ཆགས་ལས་བྱེད་བཅས་བྱ་སྤུ་གནོན་གྱི་རིམ་པ་ཡག་པོ་ཆགས་ཡོད།

 

ཤེས་རིག་བཀའ་བློན་རིམ་བྱུང་གི་མཚན་གཞུང་དང་ལས་ཡུན།
ཨང༌། མཚན། ལས་ཡུན།
༡༽ ཀུན་བདེ་གླིང་འོད་ཟེར་རྒྱལ་མཚན། ༡༩༦༠།༡༠།༤ ནས་ ༡༩༦༤།༩ བར།
༢༽ འཇང་ཆོས་ཚེ་རིང་མགོན་པོ། (༡༩༦༤།༩ ནས་ ༡༩༦༦།༧།༡༠ བར།)
༣༽ ཕྲེང་རིང་འཇིགས་མེད་སུམ་རྩེན་དབང་པོ། (༡༩༦༨།༡ ནས་ ༡༩༧༣ ཕྱི་ཟླ་ ༥ བར།)
༤༽ ཐུབ་བསྟན་ཉིན་བྱེད། (༡༩༧༤།༢།༦ ནས་ ༡༩༨༠།༢།༢ བར།)
༥༽ འཇུ་ཆེན་ཐུབ་བསྟན་རྣམ་རྒྱལ། (༡༩༨༠།༨།༢༤ ནས་ ༡༩༨༥།༡ བར་དང༌།)
    (༡༩༨༧།༩ ནས་ ༡༩༨༨།༡༡ བར།)
༦༽ བཀྲས་མཐོང་བསྟན་འཛིན་དགེ་བྱེད། (༡༩༨༥།༡༡ ནས་ ༡༩༨༧།༨ བར་།)
༧༽ བཀྲ་ཤིས་དབང་འདུད། (༡༩༨༨།༡༡ ནས་ ༡༩༩༠།༥ བར།)
༨༽ རྗེ་བཙུན་པདྨ། (༡༩༩༠།༥།༡༧ ནས་ ༡༩༩༣།༧ བར།)
༩༽ རིན་ཆེན་མཁའ་འགྲོ། (༡༩༩༣།༧ ནས་ ༢༠༠༡།༩ བར།)
༡༠༽ ཐུབ་བསྟན་ལུང་རིགས། ༢༠༠༡།༩།༥ ནས་ད་བར།
དྲུང་ཆེ་རིམ་བྱུང་གི་མཚན་དང་ལས་ཡུན།
ཨང༌། མཚན། ལས་ཡུན།
༡༽ རི་ཁ་བློ་བཟང་བསྟན་འཛིན། ༡༩༧༦ ནས་ ༡༩༨༢ བར།
༢༽ ཕྱག་མཛོད་ཚང་བསོད་ནམས་རབ་བརྟན། ༡༩༨༢ ནས་ ༡༩༩༡ བར།
༣༽ བསམ་མཁར་གཡང་སྐྱིད། ༡༩༩༡ ནས་ ༡༩༩༣ བར།
༤༽ ཚེ་རིང་དབང་རྒྱལ། ༡༩༩༣ ནས་ ༩༥ བར་དང༌།
    ༡༩༩༩ ནས་ ༢༠༠༠ བར།
༥༽ དངོས་གྲུབ་ཚེ་རིང༌། ༡༩༩༥ ནས་ ༡༩༩༩ བར།
༦༽ ཚེ་རིང་དོན་གྲུབ། ༢༠༠༠།༣།༢༠ ནས་ ༢༠༠༢།༤།༩ བར།
༧༽ གཡུ་ཐོག་ཀརྨ་དགེ་ལེགས། ༢༠༠༢།༤།༡༠ ནས་ད་བར། 

(18246)