ཕྱི་ལོ་༡༩༥༩ ནས་༢༠༠༩ བར་གྱི་ཤེས་རིག་ལས་ཁུངས་དང་འབྲེལ་བའི་ལས་དོན་རིམ་པ་རྣམས་ལོ་རིམ་གཞི་བཟུང་བཀོད་པ།

༡༩༥༩

༡༽    ཕྱི་ཟླ་ ༤ ཚེས་ ༢༥ ཉིན་ྋགོང་ས་མཆོག་གི་བཀའ་དགོངས་ལམ་སྟོན་ལྟར་མ་སུ་རིར་སྲིད་བློན་ཟུར་པ་ཀླུ་ཁང་བདེ་མཁར་ཚེ་དབང་རབ་བརྟན་དང༌། གཡུ་ཐོག་བཀྲ་ཤིས་དོན་གྲུབ།  སྐུའི་གཅེན་པོ་རྒྱ་ལོ་དོན་གྲུབ། ཞྭ་སྒབ་པ་དབང་ཕྱུག་བདེ་ལྡན། སྤོམ་མདའ་ཡར་འཕེལ་སོགས་ཀ་སྦུག་བདེ་དོན་ཚོགས་པའི་ཚོགས་མི་རྣམས་དང༌། གཞུང་ཞབས་ ༣༠ བརྒལ་བའི་ཚོགས་ཆེན་བསྐྱངས་ཐོག བཙན་བྱོལ་བོད་གཞུང་གི་ཁ་ཚ་དགོས་གཏུགས་ཀྱི་གནང་སྒོ་ཁག་ལས་བགོས་བསྐྱོན། སྐབས་དེར་ཕྱག་ལས་རྣམ་གྲངས་གཙོ་བོ་ནང་སྲིད་དང༌། ཕྱི་སྲིད། འདུ་འགོད། ཤེས་རིག ཆོས་དོན་བཅས་ལ་གཏན་འབེབས་བསྐྱངས་ཤིང༌། ཤེས་རིག་ལས་དོན་གྱི་འགན་ཁུར་ཀུན་བདེ་གླིང་འོད་ཟེར་རྒྱལ་མཚན་གྱིས་གནང་རྒྱུར་ཐུགས་གཏན་འཁེལ།

༸གོང་ས་མཆོག་བཙན་བྱོལ་བོད་པའི་སློབ་གྲྭ་ཞིག་ལ་ལྟ་སྐོར་སྐབས་བླངས་པའི་འདྲ་པར།༸གོང་ས་མཆོག་བཙན་བྱོལ་བོད་པའི་སློབ་གྲྭ་ཞིག་ལ་ལྟ་སྐོར་སྐབས་བླངས་པའི་འདྲ་པར།

༢༽    བོད་མི་སྐྱབས་བཅོལ་བའི་སྒར་ས་མི་ས་མ་རི་དང་བྷག་ས་སོགས་སུ་གསར་དུ་འབྱོར་བའི་བོད་མི་སྐྱབས་བཅོལ་བ་ཚོར་འཚམས་འདྲི་དང་གཟིགས་རྟོག་ཆེད་ྋགོང་ས་མཆོག་ནས་ཀུན་བདེ་གླིང་སོགས་བོད་གཞུང་གི་སྐུ་ཚབ་ཆེད་གཉེར་གནང་བ་ལྟར་ས་གནས་སུ་ངོ་བསྐྱོད་ཀྱིས་གནས་སྟངས་སྤྱི་དང་ལྷག་པར་བོད་ཕྲུག་ཆུང་ཆུང་ཇི་ཡོད་དང་དེ་དག་གི་གནས་སྟངས་རྣམས་སྤྱི་ཡོངས་ཤེས་རྟོགས་ཐུབ་པ་གནང་སྟེ་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་སྙན་གསན་ཞུས།

༣༽    ྋགོང་ས་མཆོག་ནས་བུ་ཕྲུག་དེ་དག་མ་འོངས་བོད་ཀྱི་སོན་རྩར་བརྩེ་གཟིགས་ཀྱིས་སྐབས་དེའི་ཕྱག་ལས་སྣ་མང་གི་ནང་ནས་སློབ་གྲྭ་གསར་འཛུགས་གནང་རྒྱུ་ཨང་དང་པོའི་གྲས་སུ་འཇོག་གནང་མཛད།
༤༽    ༡༩༥༩ ལོའི་ལོ་མཇུག་ཏུ་ཕྱག་དངུལ་ཡོངས་རྫོགས་ྋགོང་ས་མཆོག་ནས་སྩལ་ཏེ་མ་སུ་རིར་སློབ་གྲྭ་གསར་འཛུགས་བྱ་ཡུལ་ཁང་པ་གོ་སྒྲིག་དང༌། སློབ་ཕྲུག་བསྡུ་བསྐོང༌། སློབ་ཕྲུག་ལ་ལྟ་སྐྱོང་བྱེད་མཁན་འགོ་འཛིན་དང་ལས་བྱེད་བཅས་བསྐོ་བཞག་སྩལ།
༥༽    ༡༩༥༩ ཟླ་ ༡༢ ནང་བཀའ་ཤག་དང་ས་དགེ་བཀའ་རྙིང་བཞིའི་མཁས་པ། ཁུ་ནུ་མཐར་ཕྱིན་བྷ་བྷུ། ལྷ་ལུང་བློ་བཟང་ཕུན་ཚོགས། སློབ་གྲྭ་གསར་འཛུགས་ཀྱི་འགན་བཞེས་ཀུན་བདེ་གླིང་འོད་ཟེར་རྒྱལ་མཚན་བཅས་ལྷན་ཚོགས་ཀྱིས་སློབ་གྲྭའི་སློབ་ཚན་དང་སློབ་དེབ་སོགས་ཀྱི་སྐོར་གྲོས་བསྡུར་གནང་སྟེ་འཆར་གཞི་བཀོད།

༡༩༦༠ ༡༩༦༡ ༡༩༦༢ ༡༩༦༣ ༡༩༦༤ ༡༩༦༥ ༡༩༦༦ ༡༩༦༧ ༡༩༦༨ ༡༩༧༩
༡༩༧༠ ༡༩༧༡ ༡༩༧༢ ༡༩༧༣ ༡༩༧༤ ༡༩༧༥ ༡༩༧༦ ༡༩༧༧ ༡༩༧༨ ༡༩༧༩
༡༩༨༠ ༡༩༨༡ ༡༩༨༢ ༡༩༨༣ ༡༩༨༤ ༡༩༨༥ ༡༩༨༦ ༡༩༨༧ ༡༩༨༨ ༡༩༨༩
༡༩༩༠ ༡༩༩༡ ༡༩༩༢ ༡༩༩༣ ༡༩༩༤ ༡༩༩༥ ༡༩༩༦ ༡༩༩༧ ༡༩༩༨ ༡༩༩༩
༢༠༠༠ ༢༠༠༡ ༢༠༠༢ ༢༠༠༣ ༢༠༠༤ ༢༠༠༥ ༢༠༠༦ ༢༠༠༧ ༢༠༠༨ ༢༠༠༩

(18205)