མཐོ་རིམ་སློབ་ཡོན་ཚན་པ།

 

མཐོ་རིམ་སློབ་ཡོན་ཚན་པའི་ལས་འགན་གཙོ་བོ་ནི།

  1. རྒྱ་བལ་འབྲུག་གསུམ་ནང་ཡོད་བོད་ཕྲུག་སློབ་གྲྭ་ཐོན་རྗེས་མཐོ་རིམ་སློབ་སྦྱོང་མཇུག་སྐྱོང་སླད་དཔལ་འབྱོར་དཀའ་ངལ་ཡོད་རིགས་ལ་མཐོ་སློབ་སློབ་ཡོན་འབུལ་རྒྱུ།
  2. རྒྱ་གར་དབུས་གཞུང་དང་ཧི་མ་ཅལ་མངའ་གཞུང་བཅས་ནས་སྨན་པ་ MBBS དང་བཟོ་སྐྲུན་ Engineering སློབ་ཚན་གྱི་ཟུར་བཅད་ཞབས་སྟེགས་ཆེད་སྨན་པའི་འཚུད་རྒྱུགས་ AIPMT དང༌བཟོ་སྐྲུན་གྱི་འཚུད་རྒྱུགས་ JEE  གཞན་ཡང་ཀ་ན་ཊ་ཀ་མངའ་གཞུང་ཆེད་ལས་ CET ས་མིག་ཁག་བེད་སྤྱོད་ཐུབ་སླད་སྦེང་ལོར་དང་སིམ་ལ་གཉིས་སུ་དམིགས་བསལ་དུས་ཐུང་སྦྱོང་བརྡར་གོ་སྒྲིག་ཞུ་རྒྱུ།
  3. ལོ་ལྟར་མཐོ་རིམ་སློབ་ཡོན་གསལ་བསྒྲགས་ཞུ་རྒྱུ།
  4. མཐོ་རིམ་སློབ་ཡོན་ཚོགས་ཆུང་ཆེད་སྐོང་གིས་སློབ་མ་འདེམས་སྒྲུག་བྱ་སྒོ།
  5. མཐོ་རིམ་སློབ་ཡོན་གྱི་སྒྲིག་གཞི་བསྐྱར་བཅོས་དགོས་གལ་ནམ་བྱུང་བཀའ་ཤག་བརྒྱུད་འཆར་འབུལ་ཞུ་རྒྱུ།
  6. འདེམས་སྒྲུག་ཟིན་པའི་སློབ་མ་ཚོར་སློབ་ཡོན་བགོ་འགྲེམས་དང་འབྲེལ་སྐྱོང་ཞུ་རྒྱུ།
  7. སློབ་ཡོན་ཆེད་ཚོགས་སྒེར་རོགས་ཚོགས་ཁག་ལ་རོགས་རམ་འབོད་སྐུལ་ཐབས་འཚོལ་ཞུ་རྒྱུ་དང་། འབྲེལ་སྐྱོང་ཞུ་རྒྱུ།
  8. གཞན་ཡང་རྒྱ་གར་མཐོ་སློབ་ཁག་ནས་བོད་ཕྲུག་རྣམས་ལ་དམིགས་བསལ་ས་མིག་འབུལ་འབྱོར་བྱུང་མཚམས་གསལ་བསྒྲགས་ཞུ་རྒྱུ།
  9. ཕྱི་རྒྱལ་ཡུལ་གྲུ་ཁག་ཏུ་མཐོ་རིམ་སློབ་སྦྱོང་དུ་གཏོང་རྒྱུའི་གོ་སྐབས་ཇི་བྱུང་རྒྱ་ཁྱབ་གསལ་བསྒྲགས་ཀྱི་ལམ་ནས་མི་འགྲོ་འདེམས་སྒྲུག་དང་འབྲེལ་བའི་ལས་དོན་ཞུ་སྒོ་ཁག་འགན་འཁུར་ཞུ་རྒྱུ།

ཤེས་རིག་སློབ་ཡོན་འཆར་གཞི་གསར་པ།

ཤེས་རིག་མཐོ་སློབ་སློབ་ཡོན་གྱི་སྒྲིག་གཞི།

སློབ་ཡོན་གྱི་དངུལ་འབོར་ཚད་གཞི།

 

(18107)