རོགས་སྐྱོར་སྡེ་ཚན།

 

༸གོང་ས་མཆོག་གི་བཀའ་དགོངས་བཞིན་རྒྱ་གར་དབུས་གཞུང་ནས་བོད་སློབ་ཟུར་འཛུགས་ཀྱིས་ཕྲུ་གུའི་ཤེས་ཡོན་རིན་མེད་དགོངས་བཞེས་བྱུང་ཡོད་ཀྱང་། ཕྱི་ལོ་ ༡༩༧༥ ནས་བཟུང་བོད་སློབ་འཛིན་ཚོགས་ཀྱིས་སློབ་ཕྲུག་ཕ་མའི་ངོས་ནས་སློབ་དོད་འབུལ་དགོས་པའི་བཀོད་ཁྱབ་འབྱོར། སྐབས་དེར་ཕ་མ་མང་པོ་ཞིག་གི་གནས་སྟངས་སྐྱོ་ཞིང་ཕྲུ་གུའི་སློབ་ཡོན་འབུལ་ཐབས་མེད་པར་བརྟེན། ཤེས་རིག་ལས་ཁུངས་ནས་ཕྲུ་གུ་རྣམས་ཀྱི་ཤེས་ཡོན་གལ་ཆེ་དོན་ཆེན་དུ་བརྩིས་ཏེ། ཕྱི་རྒྱལ་རོགས་ཚོགས་ཁག་བརྒྱུད་སློབ་ཡོན་འབོད་སྐུལ་གནང་རྒྱུའི་ལས་རིམ་འགོ་འཛུགས་ཀྱིས་ད་ཡོད་སློབ་ཡོན་སྡེ་ཚན་འདི་བཙུགས་ཏེ་ཕྲུ་གུ་རྣམས་ལ་ཤེས་ཡོན་གོ་སྐབས་ཐོབ། རིམ་བཞིན་སློབ་ཕྲུག་འཕེལ་རྒྱས་ཆེན་པོ་བྱུང་བ་དང་སློབ་གྲྭ་ཁག་ནས་སློབ་ཕྲུག་ཐོན་འགོ་ཚུགས་ཏེ་མཐོ་རིམ་སློབ་ཡོན་འབུལ་རྒྱུ་སོགས་ལས་གཞི་རྒྱ་བསྐྱེད་བྱུང༌། མཐོ་རིམ་སློབ་ཡོན་དེ་ཡང་ཡིག་རྒྱུགས་ཀྱི་བརྒྱ་ཆ་རྩེ་བཏོག་གིས་བགོ་འགྲེམས་གནང་ལམ་ཡོད་པ་དང༌། ཕྱོགས་མཚུངས་ཉམ་ཐག་ཨང་ཐོབ་ཀྱི་ཕྲུ་གུ་རྣམས་ལ་དམིགས་བསལ་དགོངས་བཞེས་ཀྱིས་མཐོ་རིམ་སློབ་ཡོན་ཆ་བགོས་ཞུ་བཞིན་ཡོད་ལ། ད་ལྟའི་འཆར་སློབ་ཡོན་ཡོང་ཁུངས་གཙོ་བོ་ནི་དགའ་ལྡན་ཕོ་བྲང་ཡིག་ཚང་དང༌། ཕྱི་རྒྱལ་རོགས་ཚོགས་ཁག བོད་རིགས་ཚོགས་སྒེར་འབྱོར་ལྡན་ཁག་ཅིག་ཆགས་ཡོད།
ཕྱི་ལོ་ ༢༠༠༤ ལོར་བཀའ་ཤག་གིས་སྒྲིག་འཛུགས་བསྐྱར་བཅོས་གནང་སྐབས། རོགས་སྐྱོར་སྡེ་ཚན་ཞེས་མིང་བསྒྱུར་ཐོག་ནང་གསེས་མཐོ་རིམ་སློབ་ཡོན་ཚན་པ་དང༌། གཞི་རིམ་སློབ་ཡོན་དང་སློབ་འཇུག་ཚན་པ་གཉིས་སུ་གཏན་འབེབས་གནང་ཡོད།

(18770)